Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

MIFOHAZA! DESAMBRA 2013

Topy Maso Eran-tany

Topy Maso Eran-tany

Etazonia

Hita fa efa ho ny ampahatelon’ny olona miampita arabe no variana mitelefaonina, na mihaino hira. Ny tena mampidi-doza anefa dia ny SMS. Mandeha miadana kokoa mantsy ny olona mandefa SMS rehefa miampita, sady tsy dia manaraka ny lalàn’ny fifamoivoizana. Misy koa tsy mijery havia sy havanana akory. Ny hafa indray miampita eny amin’ny toerana tsy tokony hiampitana.

Nizeria

Be dia be ny vehivavy any no amidy an-tsokosoko ka terena hivaro-tena any Eoropa. Entina manao fombafomba eny amin’ny toerana falehan’ny mpilalao ody aloha ry zareo, dia asaina mivoady hoe tsy hilaza na amin’iza na iza. Hararaotin’ny mpanondrana olona ireny vehivavy ireny, satria tena matahotra ny herin’ny maizina.

Espaina

Tsy soratan’ny olona ao amin’ny taratasy fangatahana asa ny diplaomany teny amin’ny oniversite, na ny traikefany sasany. Ny 5 na 10 isan-jaton’ireo tsy an’asa efa ela no manao izany. Lasa hoatran’ny mahay loatra mantsy, hono, ry zareo ka tsy hisy handray satria sao ambony loatra ny karamany.

Zava-misy eran-tany

Efatra tapitrisa isan-taona no maty vokatry ny setroka, any amin’ny tany an-dalam-pandrosoana. Afo kitay na saribao no tena mahatonga izany. Milaza ny manam-pahaizana fa mahafaty hoatran’ny poizina avy amin’ny sigara ihany ny zavatra simika amin’ny setroka kitay na saribao.