Hijery ny anatiny

Ho any amin'ny loha hevitra

Vavolombelon’i Jehovah

Hifidy fiteny Malagasy

 NY FIAINANTSIKA KRISTIANINA

Halaviro Ireto Fandrika Ireto Rehefa Mampianatra Baiboly

Halaviro Ireto Fandrika Ireto Rehefa Mampianatra Baiboly
FILAHARANY

Miteny be loatra: Aza mieritreritra hoe tsy maintsy ianao no manazava ny zava-drehetra. Nampiasa fanontaniana i Jesosy mba hanampiana ny olona hieritreritra sy hahay hanatsoaka hevitra. (Mt 17:24-27) Mahatonga ny fianarana ho velombelona ny fanontaniana, sady manampy anao hahita hoe inona no azon’ilay mpianatra ary inona no inoany. (be 253 § 3-4) Manàna faharetana rehefa mametraka fanontaniana ary andraso izy hamaly. Raha diso ny valin-teniny dia mametraha fanontaniana fanampiny, fa aza tonga dia tenenina ny valiny. (be 238 § 1-2) Mitenena miadana rehefa milaza hevitra vaovao amin’ilay mpianatra, mba ho azony tsara ilay izy.—be 230 § 4.

Manasaro-javatra: Aza resahina daholo izay fantatrao momba an’ilay foto-kevitra. (Jn 16:12) Ny hevi-dehibe ao amin’ilay fehintsoratra ifantohana. (be 226 § 4-5) Mety tsy hisongadina izany raha miresaka tsipiriany madinika ianao, na dia toa mahaliana aza ilay izy. (be 235 § 3) Mifindrà eo amin’ny fehintsoratra manaraka raha vao azon’ilay mpianatra ny hevi-dehibe.

Manazava fotsiny: Ny hanohina ny fo no tanjontsika fa tsy ny hanazava fotsiny. (Lk 24:32) Ampiasao ny andinin-teny fototra ao amin’ilay lesona, mba hisy heriny eo amin’ilay mpianatra ny Tenin’Andriamanitra. (2Ko 10:4; He 4:12; be 144 § 1-3) Mampiasà fanoharana tsotra. (be 245 § 2-4) Fantaro ny olana atrehin’ilay mpianatra sy ny zavatra inoany, ary ataovy mifanaraka amin’izany ny fanazavana sy ny fampiharana. Anontanio, ohatra, izy hoe: “Ahoana ny fahitanao an’io fanazavana io?” “Inona no ampianarin’izy io momba an’i Jehovah?” “Inona ny soa azonao raha mampihatra an’io torohevitra io ianao?”—be 238 § 3-5; 259 § 1.