Hijery ny anatiny

Ho any amin'ny fizarana anatiny

Ho any amin'ny loha hevitra

Vavolombelon’i Jehovah

Malagasy

Andao Hianatra Tantara ao Amin’ny Baiboly

Fampidirana ny Fizarana 8

Fampidirana ny Fizarana 8

Nataon’i Jehovah tena hendry i Solomona. Izy koa no nofidiny hanamboatra ny tempoly. Niala tsikelikely tamin’i Jehovah anefa izy. Hazavao amin’ny zanakao hoe olona mpanompo sampy no nitarika azy hanao an’izany. Lasa nizara roa ny fanjakany, ary nisy mpanjaka ratsy fanahy nitarika ny vahoaka hanompo sampy. Be dia be ny mpaminanin’i Jehovah nenjehina sy novonoina tamin’izany. Vao mainka nanompo sampy be ny fanjakana tany avaratra, rehefa nanambady an’i Jezebela ny mpanjaka. Ratsy be ny fiainana tany tamin’izany. Mbola nisy Israelita tsy nivadika tamin’i Jehovah ihany anefa, anisan’izany i Josafata Mpanjaka sy Elia mpaminany.

ITY FIZARANA ITY

Tempoly ho An’i Jehovah

Neken’Andriamanitra ny fangatahan’i Solomona Mpanjaka, dia nataony tena hendry izy, ary nomeny zavatra tsara be dia be.

Nizara Roa Ilay Fanjakana

Be dia be ny Israelita no lasa tsy nanompo an’i Jehovah intsony.

Fantatra hoe Iza no Tena Andriamanitra

Iza no tena Andriamanitra: I Jehovah sa i Bala?

Nampahery An’i Elia i Jehovah

Afaka mampahery anao koa i ve i Jehovah?

Velona Indray ny Zanak’ilay Vehivavy

Nisy fahagagana anankiroa nitranga tao amin’ilay vehivavy!

Nosazina Ilay Mpanjakavavy Ratsy Fanahy

Nanao tetika hamonoana an’i Nabota i Jezebela, fa te haka ny tanimboalobony. Ratsy saina be i Jezebela. Hitan’i Jehovah anefa ny nataony.

Narovan’i Jehovah i Josafata

Rehefa nisy fahavalo tonga nanafika an’i Joda, dia nangataka fanampiana tamin’Andriamanitra i Josafata Mpanjaka.