Salamo 95:1-11
95 Avia! Andao isika hihoby an’i Jehovah!
Andao isika hanao horakora-pandresena ho an’ilay Vatolampy mpamonjy+ antsika.
2 Andao isika hankeo anatrehany* mba hisaotra+ azy.Andao isika hihira sy hanao horakora-pandresena ho azy.
3 Fa Andriamanitra tena miavaka i Jehovah;Mpanjaka lehibe ambonin’ny andriamanitra rehetra izy.+
4 Eo an-tanany ny faritra lalina amin’ny tany,Ary azy ny tampon-tendrombohitra.+
5 Azy koa ny ranomasina fa izy no nanao azy,+Ary ny tanany no nanao ny tany maina.+
6 Avia! Andao isika hanompo azy sy hiankohoka eo anatrehany.Aoka isika handohalika eo anatrehan’i Jehovah Mpanao antsika.+
7 Fa izy no Andriamanitsika,Ary isika no vahoaka ao an-kijanany,Dia ondry karakarainy.*+
Raha mihaino ny feony+ ianareo anio,
8 Dia aza manamafy ny fonareo toy ny tao Meriba,*+Sy hoatran’ilay tao Masa* tany an-tany efitra,+
9 Rehefa nisedra+ ahy ny razambenareo;Nitsapa ahy izy ireo na dia efa hitany aza ny asa nataoko.+
10 Nandritra ny 40 taona no nankaloiloy ahy izany taranaka izany, ka nilaza aho hoe:
“Vahoaka mafy loha ireo sady tsy manao afa-tsy izay tiany foana;Tsy fantany ny lalako.”
11 Koa tezitra aho sady nianiana hoe:
“Tsy hiditra amin’ny fitsaharako ireo.”+
Fanamarihana
^ Abt: “anoloan’ny tarehiny.”
^ Abt: “ondrin’ny tanany.”
^ Midika hoe “Filana Ady.”
^ Midika hoe “Fitsapana; Fisedrana.”
