Salamo 92:1-15

  • Ankalazaina mandrakizay i Jehovah

    • Lehibe ny asany ary lalina ny fisainany (5)

    • ‘Ny olo-marina hiroborobo toy ny hazo’ (12)

    • Mbola hamoa foana ny antitra (14)

Salamo. Hira fanao amin’ny andro sabata. 92  Tsara ny misaotra anao, Jehovah ô,+Sy ny mihira fiderana* ho an’ny anaranao, ry Avo Indrindra ô,   Sy ny manambara ny fitiavanao+ rehefa maraina,Ary ny miresaka momba ny tsy fivadihanao rehefa alina!   Tsara ny manao an’izany miaraka amin’ny zavamaneno misy tadiny folo sy ny mandôlinina,*Ary ny feon’ny harpa+ mahafinaritra.   Fa mampifaly ahy ianao, Jehovah ô, noho ny zavatra ataonao;Mihoby aho noho ny asan’ny tananao.   Lehibe tokoa ny asanao, Jehovah ô!+ Tena lalina ny fisainanao!+   Tsy fantatry ny olona tsy misaina izany.Ary tsy azon’ny olona adala hoe:+   Rehefa mitsiry toy ny ahidratsy* ny ratsy fanahy,Ary miroborobo ny mpanao ratsy rehetra,Dia midika izany fa ho ringana mandrakizay+ izy ireo.   Fa ankalazaina mandrakizay kosa ianao, Jehovah ô!   Ho faly tokoa ianao hijery hoe resy ny fahavalonao, Jehovah ô!Jereo ny handringanana an’ireo manohitra anao.Haparitaka ny mpanao ratsy rehetra.+ 10  Ianao kosa hampitombo ny heriko* mba ho toy ny an’ny ombidia;Hosorako menaka+ ny hoditro mba ho mandimandina. 11  Ho faly ny masoko hahita hoe resy ny fahavaloko,+Ary ny sofiko handre ny fahavoazan’ireo mpanao ratsy manafika ahy. 12  Fa ny olo-marina kosa hiroborobo toy ny hazo palmie,Sady ho lasa ngezabe toy ny hazo sedera any Libàna.+ 13  Ambolena ao an-tranon’i Jehovah izy ireo;Mandrobona eo an-tokotanin’ny tranon’Andriamanitsika+ izy ireo. 14  Mbola hiroborobo foana izy ireo na dia efa antitra* aza;+Mbola hatanjaka* sy havitribitrika+ izy ireo, 15  Ka hanambara fa mahitsy i Jehovah. Vatolampiko+ izy, ary tsy misy tsy fahamarinana ao aminy.

Fanamarihana

Na: “mitendry mozika.”
Zavamaneno fahiny misy tadiny, mitovitovy amin’ny kabôsy.
Na: “ahitra.”
Abt: “hanandratra ny tandroko.”
Na: “fotsy volo.”
Abt: “hatavy.”