Salamo 91:1-16

  • Fiarovana ao amin’ny toerana miafin’i Jehovah

    • Nafahana tamin’ny mpamandri-borona (3)

    • Mialoka eo ambany elatr’i Jehovah (4)

    • Voaro na dia misy an’arivony lavo aza (7)

    • Nomena baiko ny anjely mba hiaro (11)

91  Izay mipetraka ao amin’ny toerana miafin’ny Avo Indrindra,+Dia honina ao ambany alok’Ilay Mahery Indrindra.+   Hilaza amin’i Jehovah aho hoe: “Fialofako ianao, ary manda fiarovana ho ahy,+Andriamanitro izay itokisako.”+   Fa hanafaka anao amin’ny fandriky ny mpamandri-borona izy,Sy amin’ny areti-mandringana.   Hanarona anao amin’ny volon’elany izy,*Ary ao ambany elany no hialofanao.+ Ho ampinga lehibe+ sy ho manda fiarovana ny tsy fivadihany.+   Tsy hatahotra an’izay mampihorohoro amin’ny alina+ ianao,Na hatahotra ny zana-tsipìka misidina amin’ny antoandro,+   Na ny areti-mandringana misoko mangina ao anaty haizina,Na ny fandringanana mandripaka amin’ny mitataovovonana.   Na dia hisy arivo ho lavo aza eo anilanao,Ary iray alina eo ankavananao,Dia tsy hisy hanakaiky anao izany loza izany.+   Hitaza-maso an’izany fotsiny ianao,Ary ho hitanao ny hanasaziana* ny ratsy fanahy.   Koa satria efa nilaza ianao hoe: “Fialofako i Jehovah”, Dia nataonao fonenanao* ny Avo Indrindra.+ 10  Tsy hisy loza hanjo anao,+Na zava-dratsy hanakaiky ny tranolainao. 11  Fa homeny baiko hanampy anao ny anjeliny,+Mba hiaro anao any amin’izay rehetra alehanao.+ 12  Hitondra anao eny an-tanany izy ireo,+Mba tsy hidona amin’ny vato ny tongotrao.+ 13  Hohitsakitsahinao ny liona tanora sy ny kôbrà;Hanosihosy liona matanjaka sy bibilava ngezabe+ ianao. 14  Hoy Andriamanitra: “Hamonjy azy aho+ satria miraiki-po amiko izy. Harovako izy satria fantany* ny anarako.+ 15  Hiantso ahy izy, dia hamaly azy aho.+ Ho eo akaikiny aho rehefa mijaly izy.+ Hamonjy azy aho ary hanome voninahitra azy. 16  Hataoko ela velona izy,+Ary hataoko izay hahitany ny asa famonjeko.”*+

Fanamarihana

Na: “Ny volon’elany no hisakanany an’izay manatona anao.”
Abt: “hamaliana.”
Na mety hoe “fiarovana mafy ho anao; fialofanao.”
Na: “ekeny.”
Na: “hasehoko azy ny famonjeko.”