Salamo 8:1-9

  • Ny voninahitr’i Jehovah sy ny voninahitry ny olona

    • ‘Heni-kaja ny anaranao! (1, 9)

    • “Inona moa izay olombelona mety maty?” (4)

    • Nosatrohana voninahitra ny olona (5)

Ho an’ny mpitarika; atao Gitita.* Hiran’i Davida. 8  Ry Jehovah Tomponay ô, heni-kaja eran-tany ny anaranao;Ataonao avo noho ny lanitra* ny voninahitrao!+   Noho ny ataon’ireo manohitra anao,Dia avy amin’ny vavan’ny ankizy sy ny zaza+ no ampisehoanao ny herinao,Mba hampangina ny fahavalo sy ny mpamaly faty.   Rehefa jereko ny lanitrao, izay asan’ny rantsantananao,Sy ny volana ary ny kintana noforoninao,+   Dia inona moa izay olombelona mety maty no tsaroanao?Ary inona moa izay zanak’olombelona no karakarainao?+   Nataonao ambany kely noho ny anjely* izy,Ary nosatrohanao haja amam-boninahitra.   Nomenao fahefana hanjaka amin’ny asan’ny tananao izy;+Nataonao eo ambany tongony ny zava-drehetra:   Ny biby fiompy rehetra, toy ny ondry aman’osy sy ny omby,Ary koa ny bibidia,*+   Ny voro-manidina, sy ny trondro any an-dranomasina,Ary izay rehetra mivezivezy any an-dranomasina.   Ry Jehovah Tomponay ô, heni-kaja eran-tany ny anaranao!

Fanamarihana

Jereo F.T.
Na mety hoe “Tantaraina any ambonin’ny lanitra.”
Na: “noho ireo mitovy amin’Andriamanitra.”
Abt: “biby any an-tsaha.”