Salamo 75:1-10
-
Mitsara araka ny rariny Andriamanitra
-
Hisotro amin’ny kaopin’i Jehovah ny ratsy fanahy (8)
-
Ho an’ny mpitarika. Atao mifanaraka amin’ilay salamo hoe “Aza Mandringana.” Hiran’i Asafa.+
75 Misaotra anao izahay, Andriamanitra ô! Misaotra anao izahay;Akaiky anay ianao,*+Ary manambara ny zavatra mahagaga nataonao ny olona.
2 Hoy ianao: “Rehefa avy mifidy fotoana hitsarana aho,Dia hitsara araka ny rariny.
3 Rehefa nihorohoro* ny tany sy ny mponina rehetra teo aminy,Dia izaho no nanao izay hahamafy orina ny andrin’ny tany.” (Sela)
4 Hoy aho amin’ny mpirehareha: “Aza mirehareha”,
Ary amin’ny ratsy fanahy: “Aza mieboebo satria hoe mahery ianareo.*
5 Aza mieboebo be satria hoe mahery ianareo,*Ary aza mirehareha rehefa miteny.
6 Fa tsy avy any atsinanana na avy any andrefanaNa avy any atsimo ny voninahitra.*
7 Andriamanitra mantsy no Mpitsara.+
Aetriny ny olona iray ary asandrany ny iray.+
8 Fa misy kaopy eny an-tanan’i Jehovah,+Ary divay mandroatra sy mahery be* no ao anatiny.
Tena hararany izany,Ka hisotro an’ilay izy hatramin’ny faikany ny ratsy fanahy rehetra eto an-tany.”+
9 Fa izaho kosa hanambara an’izany mandrakizay;Hihira fiderana* ho an’ny Andriamanitr’i Jakoba aho.
10 Hoy mantsy izy: “Hataoko tsy manan-kery intsony* ny ratsy fanahy,Fa hampitomboina kosa ny herin’ny* olo-marina.
Fanamarihana
^ Abt: “Akaiky ny anaranao.”
^ Abt: “nihalevona.”
^ Abt: “Aza asandratra ny tandrokareo.”
^ Abt: “Aza asandratra avo ny tandrokareo.”
^ Abt: “fisandratana.”
^ Na: “sy misy fangarony be dia be.”
^ Na: “Hitendry mozika.”
^ Abt: “Hotapahiko ny tandroky.”
^ Abt: “hasandratra kosa ny tandroky ny.”
