Salamo 63:1-11

  • Maniry mafy an’i Jehovah

    • “Tsara noho ny aina ny fitiavanao sy ny tsy fivadihanao” (3)

    • ‘Afa-po amin’izay tsara indrindra’ (5)

    • Misaintsaina momba an’i Jehovah mandritra ny alina (6)

    • ‘Mifikitra amin’Andriamanitra aho’ (8)

Hiran’i Davida tamin’izy tany an-tany efitr’i Joda.+ 63  Andriamanitra ô, ianao no Andriamanitro, ary mitady anao foana aho.+ Mangetaheta mafy anao aho.+ Tsy misy hery intsony aho* satria maniry mafy anaoEto amin’ity tany maina sy karakaina tsy misy rano ity.+   Dia nijery anao tao amin’ny toerana masina aho;Hitako ny herinao sy ny voninahitrao.+   Tsara noho ny aina ny fitiavanao sy ny tsy fivadihanao,+Ka hanome voninahitra anao ny molotro.+   Koa hidera anao aho mandritra ny androm-piainako;Amin’ny anaranao no hivavahako.*   Afa-po aho amin’ny anjara tsara indrindra sy faran’izay tsara omenao,*Ka hidera anao ny vavako ary ho faly hihira ho anao ny molotro.+   Mahatsiaro anao aho rehefa eo am-pandrianako;Misaintsaina momba anao aho mandritra ny fotoam-piambenana amin’ny alina.+   Fa ianao no mpanampy ahy,+Ary mihoby eo ambany aloky ny elatrao aho.+   Mifikitra aminao aho;Mitazona mafy ahy foana ny tananao ankavanana.+   Fa izay mifofo ny aiko* kosaHidina any amin’ny faritra lalina amin’ny tany. 10  Hatolotra ho fatin’ny sabatra izy ireny,Ary ho sakafon’ny alikadia.* 11  Hifaly noho izay hataon’Andriamanitra anefa ny mpanjaka. Hiravoravo* izay rehetra mianiana amin’ny anaran’Andriamanitra,Satria ho tampina ny vavan’izay mandainga.

Fanamarihana

Abt: “ny nofoko.”
Abt: “hanandratako ny tanako.”
Abt: “amin’ny matavy sy ny hatavezana.”
Na: “mitady hamono ahy.”
Na: “amboadia.”
Na: “Hirehareha.”