Salamo 48:1-14
Hira. Salamo nataon’ny taranak’i Kora.+
48 Tena miavaka i Jehovah, ka izy no mendrika hoderaina indrindraAo amin’ny tanànan’Andriamanitsika, ao amin’ny tendrombohiny masina.
2 Avo be sady tsara tarehy erỳ ilay fifalian’ny tany manontolo,+Dia ny Tendrombohitra Ziona any amin’ny farany avaratra,Any amin’ny tanànan’ilay Mpanjaka Be Voninahitra.+
3 Tao amin’ireo tilikambony voaro mafyNo nampahafantaran’Andriamanitra fa fialofana* azo antoka izy.+
4 Fa nivondrona* ireo mpanjaka;Niara-nandroso izy ireo.
5 Rehefa nahita an’ilay tanàna izy ireo, dia gaga be.
Nihorohoro izy ireo ka nikoropaka nandositra.
6 Tora-kovitra izy ireo tany,Nijalijaly toy ny vehivavy efa ho teraka.
7 Nopotehinao tamin’ny rivotra avy any atsinanana ny sambon’i Tarsisy ka rendrika.
8 Ny zavatra henontsika mihitsy izao no hitan’ny masontsika,Ao amin’ny tanànan’i Jehovah Tompon’ny tafika, dia ny tanànan’Andriamanitsika.
Hampiorina mafy azy io mandrakizay Andriamanitra.+ (Sela)
9 Andriamanitra ô, misaintsaina ny fitiavanao sy ny tsy fivadihanao+ izahay,Ao amin’ny tempolinao.
10 Toy ny anaranao, Andriamanitra ô, ny fiderana anao.Tonga hatrany amin’ny faran’ny tany izany.+
Feno fahamarinana ny tananao ankavanana.+
11 Enga anie hifaly ny Tendrombohitra Ziona!+Enga anie ireo tanànan’i* Joda hiravoravo noho ny didim-pitsaranao!+
12 Mandehana mihodidina an’i Ziona; mandehana manodidina azy;Isao ny tilikambony.+
13 Diniho tsara ny dongon-tany* miaro azy.+
Jereo tsara ny tilikambo voaro mafy eo aminy,Mba hisy hotantarainareo amin’ny taranaka any aoriana.
14 Fa io Andriamanitra io no Andriamanitsika+ mandrakizay mandrakizay.
Hitari-dalana antsika mandrakizay* izy.+
Fanamarihana
^ Na: “toerana avo.”
^ Na: “nifanao fotoana.”
^ Abt: “zanakavavin’i.”
^ Na: “manda voaro mafy.”
^ Na mety hoe “mandra-pahafatintsika.”
