Salamo 36:1-12
Ho an’ny mpitarika. Nataon’i Davida, mpanompon’i Jehovah.
36 Ny fandikan-dalàna no mandrisika ny fon’ny ratsy fanahy;Tsy hitany izay antony tokony hatahorana an’Andriamanitra.+
2 Fa mandoka tena loatra izy,Dia tsy tsapany ny fahadisoany, ka tsy ankahalainy.+
3 Teny mandratra sy mamitaka no lazain’ny vavany;Tsy lalin-tsaina izy ka tsy mahay manao ny tsara.
4 Mitetika ny hanao ratsy izy, na dia eo am-pandrianany aza.
Lalan-diso no arahiny;Ny ratsy tsy mba laviny.
5 Jehovah ô, tonga hatrany an-danitra ny fitiavanao,+Ary tonga hatreny amin’ny rahona ny tsy fivadihanao.
6 Toy ny tendrombohitra tsara tarehy* ny fahamarinanao;+Toy ny rano lalina midadasika ny didim-pitsaranao.+
Samy tsimbininao* na ny olona na ny biby, Jehovah ô!+
7 Sarobidy tokoa ny hoe be fitiavana sy tsy mivadika ianao, Andriamanitra ô!+
Eo ambany aloky ny elatrao no ialofan’ny zanak’olombelona.+
8 Manaram-po amin’ireo zavatra tsara be dia be* ao an-tranonao izy ireo,+Ary omenao zavatra mahafinaritra maro be, ka toy ny hoe ataonao migoka rano avy amin’ny renirano.+
9 Ianao no loharanon’aina;+Ny hazavana avy aminao no ahitanay hazavana.+
10 Asehoy foana amin’ireo mahalala anao fa be fitiavana sy tsy mivadika+ ianao,Ary amin’ireo mahitsy fo fa manao ny marina ianao.+
11 Aza avela hanosihosy ahy ny tongotry ny mpirehareha,Na handroaka ahy ny tanan’ny ratsy fanahy.
12 Ireo fa lavo ny mpanao ratsy;Nisy namely izy ireo ka tsy tafarina intsony.+
