Salamo 35:1-28
Nataon’i Davida.
35 Jehovah ô, arovy amin’ireo manohitra ahy aho;+Miadia amin’ireo miady amiko.+
2 Raiso ny ampinga kelinao* sy ny ampinga lehibe,+Ka mitsangàna hiaro ahy.+
3 Ingao ny lefonao sy ny famaky fitondranao miady,* dia asio ny mpanenjika ahy.+
Ilazao aho hoe: “Izaho no mpamonjy anao!”+
4 Enga anie ho menatra sy haetry ireo mifofo ny aiko!+
Enga anie hiverin-dalana sy ho afa-baraka ireo mitetika ny hamotika ahy!
5 Ho lasa hoatran’ny akofa entin’ny rivotra anie izy ireo!Handroaka azy ireo anie ny anjelin’i Jehovah!+
6 Ho maizina sy halama anie ny lalanyRehefa manenjika azy ny anjelin’i Jehovah!
7 Fa nanafina harato hamandrihana ahy tsy amin’antony izy ireo;Nihady lavaka izy ireo mba hisamborana ahy tsy amin’antony.
8 Enga anie hisy loza hanjo azy tampoka!Enga anie ka izy ihany no ho voafandrik’ilay harato nafeniny!Enga anie izy ho latsaka ao ka ho ringana!+
9 Fa izaho kosa hifaly noho ny zavatra ataon’i Jehovah;Ho ravoravo aho noho ny asa famonjeny.
10 Hilaza ny taolako rehetra hoe:
“Jehovah ô, iza no hoatr’anao?
Vonjenao ny tsy misy mpiaro mba tsy ho azon’ny mahery noho izy;+Vonjenao ny tsy misy mpiaro sy ny mahantra mba tsy ho azon’ireo mandroba azy.”+
11 Misy vavolombelona ratsy saina tonga hiampanga ahy,+Ka manontany zavatra tsy fantatro.
12 Mamaly ratsy ny soa nataoko+ izy ireo,Ka hoatran’ny hoe nidonam-pahoriana aho.
13 Rehefa narary anefa izy ireo, dia niakanjo gony aho;Nampijaly tena aho ka nifady hanina.Ary rehefa tsy nivaly* ny vavaka nataoko,
14 Dia toy ireny nisaona namana na rahalahy ireny ny fandehako;Nalahelo be aho ka nitanondrika, toy ny olona misaona an-dreniny.
15 Rehefa tafintohina anefa aho, dia nifaly sy nivondrona izy ireo;Nivondrona izy ireo ka niafina mba hamely ahy tampoka;Namiravira ahy izy ireo, ary tsy nety nangina.
16 Maneso sy manambanimbany ahy* ireo tsy matahotra an’Andriamanitra;Mihidy vazana izy ireo satria tezitra amiko.+
17 Jehovah ô, mandra-pahoviana ianao no hitazam-potsiny?+
Vonjeo amin’ny fanafihan’izy ireo aho,+Mba tsy ho azon’ny liona tanora ny aiko sarobidy.*+
18 Dia hisaotra anao eo anivon’ny fiangonana lehibe aho;+Hidera anao eo anivon’ny vahoaka maro be aho.
19 Aza avela ho faly amin’ny fahavoazako ireo manohitra ahy tsy amin’antony;Aza avela hifanao pimaso ireo ratsy saina+ mankahala ahy tsy amin’antony.+
20 Tsy milaza teny mampihavana mantsy izy ireo,Fa manao tetika mamitaka mba hamelezana an’ireo tia fihavanana eto an-tany.+
21 Sokafan’izy ireo be ny vavany mba hiampangana ahy,Ka hoy izy ireo: “Tsara ho azy izay! Ny masonay mihitsy no nahita.”
22 Hitanao izany Jehovah ô, ka aza mangina fotsiny.+
Jehovah ô, aza mijanona lavitra ahy.+
23 Mifohaza ka miarena mba hiaro ahy;Jehovah Andriamanitro ô, arovy aho amin’ilay adiko eny amin’ny fitsarana.
24 Tsarao araka izay hitanao fa rariny+ aho, Jehovah Andriamanitro ô!Aza avela ho faly amin’ny fahavoazako izy ireo.
25 Enga anie izy ireo tsy hieritreritra mihitsy hoe: “Tsara ho azy izay! Izay mihitsy no efa nandrasanay.”
Enga anie izy ireo tsy hilaza mihitsy hoe: “Nataonay teli-moka izy.”+
26 Aoka ho menatra sy ho afa-baraka daholo izy ireo,Dia ireo faly amin’ny fahavoazako.
Aoka hitafy henatra sy fahafaham-baraka ireo manambony tena ka manambanimbany ahy.
27 Aoka kosa hihoby ireo faly mahita ahy manao ny marina;Enga anie izy ireo hilaza foana hoe:
“Hankalazaina anie i Jehovah, izay faly erỳ rehefa miadana ny mpanompony!”+
28 Dia hitantara* ny fahamarinanao ny lelako,+Sady hidera anao tontolo andro.+
Fanamarihana
^ Ny mpandefa zana-tsipìka no tena mpitondra azy io.
^ Na: “famaky roa lela.”
^ Na: “rehefa niverina teo an-tratrako.”
^ Na mety hoe “Maneso mba hahazoana mofo.”
^ Abt: “ny lahitokako”, izany hoe ny ainy.
^ Na: “hisaintsaina.”
