Salamo 29:1-11
Hiran’i Davida.
29 Omeo an’i Jehovah izay tokony homena azy, ry zanaky ny mahery!Omeo an’i Jehovah izay tokony homena azy, satria be voninahitra sady matanjaka izy.+
2 Omeo voninahitra i Jehovah fa mendrika an’izany ny anarany.
Manaova fitafiana masina dia miankohofa eo anatrehan’i* Jehovah.*
3 Heno eny ambonin’ny rano ny feon’i Jehovah;Mikotrokotroka ny feon’ilay Andriamanitra be voninahitra.+
Eny ambonin’ny rano be i Jehovah.+
4 Mahery ny feon’i Jehovah;+Be voninahitra ny feon’i Jehovah.
5 Manapatapaka sedera ny feon’i Jehovah;Ataon’i Jehovah potipotika ny sederan’i Libàna.+
6 Ataony mitsambikimbikina toy ny zanak’omby i Libàna,*Ary toy ny zanak’ombidia i Siriona.+
7 Mampisy tselatra ny feon’i Jehovah;+
8 Mahatonga ny tany efitra ho tora-kovitra ny feon’i Jehovah;+Ataon’i Jehovah tora-kovitra ny tany efitr’i Kadesy.+
9 Mahatonga ny serfa ho tora-kovitra sy ho teraka ny feon’i Jehovah,Sady mampihintsan-dravina an’ireo ala.+
Ary izao no lazain’izay rehetra ao amin’ny tempoliny: “Voninahitra!”
10 Mipetraka eo amin’ny seza fiandrianany eo ambonin’ny rano be* i Jehovah;+Mipetraka eo amin’ny seza fiandrianany i Jehovah; Mpanjaka mandrakizay izy.+
11 Hanome hery ny vahoakany i Jehovah.+
Hitahy ny vahoakany i Jehovah ka hanome azy fiadanana.+
Fanamarihana
^ Na: “manompoa an’i.”
^ Na mety hoe “Miankohofa eo anatrehan’i Jehovah noho ny famirapiratan’ny fahamasinany.”
^ Azo inoana hoe ny Tandavan-tendrombohitra Libàna.
^ Na: “ranomasimbe any an-danitra.”
