Salamo 24:1-10
-
Miditra eo am-bavahady ilay Mpanjaka be voninahitra
-
“An’i Jehovah ny tany” (1)
-
Hiran’i Davida.
24 An’i Jehovah ny tany sy izay rehetra eo aminy,+Dia ny tany lonaka sy izay monina eo amboniny.
2 Fa naoriny teo ambonin’ny ranomasina izy io,+Ary nataony mafy orina teo ambonin’ny renirano.
3 Iza no afaka miakatra mankany an-tendrombohitr’i Jehovah?+Ary iza no afaka mijoro ao amin’ny toerany masina?
4 Izay tsy manan-tsiny amin’izay ataon’ny tanany sady madio fo,+Ary tsy mianiana lainga amin’ny anarako,*Na mianiana mba hamitahana.+
5 Handray fitahiana avy amin’i Jehovah izy,+Ary hanaiky azy ho marina* ilay Andriamanitry ny famonjena azy.+
6 Hoatr’izany ny taranak’izay mitady Azy,Dia ny taranak’izay mitady sitraka aminao,* ry Andriamanitr’i Jakoba ô! (Sela)
7 Ry vavahady ô, ataovy avo be ny tamponareo;+Misokafa,* ry varavarana efa nisy hatry ny ela,Mba hidiran’ilay Mpanjaka be voninahitra!+
8 Iza izany Mpanjaka be voninahitra izany?
I Jehovah, ilay matanjaka sy mahery!+I Jehovah, ilay mpiady mahery!+
9 Ry vavahady ô, ataovy avo be ny tamponareo;+Misokafa, ry varavarana efa nisy hatry ny ela,Mba hidiran’ilay Mpanjaka be voninahitra!
10 Iza izany Mpanjaka be voninahitra izany?
I Jehovah Tompon’ny tafika! Izy ilay Mpanjaka be voninahitra!+ (Sela)
Fanamarihana
^ Na: “amin’ny aiko”, izany hoe ny ain’i Jehovah.
^ Na: “hanome rariny azy.”
^ Abt: “mitady ny tarehinao.”
^ Na: “Misondrota.”
