Salamo 144:1-15
Nataon’i Davida.
144 Hoderaina anie i Jehovah, ilay Vatolampiko,+Izay mampiofana ny tanako hamely,Sy mampiofana ny rantsantanako hiady.+
2 Tia ahy sy tsy mivadika amiko izy ary manda fiarovana ho ahy,Fialofana azoko antoka* sy mpanafaka ahy,Ilay ampingako sy Ilay azoko ialofana,+Dia Ilay mahatonga an’ireo firenena hanaiky ahy!+
3 Jehovah ô! Inona moa izay olombelona no mahaliana anao,Ary inona moa izay zanak’olombelona mety maty no karakarainao?+
4 Mihelina toy ny fofonaina+ ny olombelona;Toy ny aloka mandalo+ ny androm-piainany.
5 Jehovah ô! Ataovy ambany kokoa* ny lanitra ka midìna;+Kasiho ny tendrombohitra ary ataovy midona-tsetroka.+
6 Ataovy mitselatselatra ny tselatra ary aparitaho ny fahavalo;+Alefaso ny zana-tsipìkanao ary ataovy misahotaka+ izy ireo.
7 Atsory avy any amin’ny avo ny tananao;Afaho aho, ka vonjeo avy ao amin’ny rano manonja be,Dia avy eo an-tanan’ny* firenen-kafa,+
8 Izay milaza laingaSy manainga ny tanany ankavanana mba hianiana lainga.*
9 Hihira hira vaovao+ ho anao aho, Andriamanitra ô!
Hihira fiderana* ho anao amin’ny zavamaneno misy tadiny folo aho,
10 Dia ho anao, ilay mahatonga ny mpanjaka handresy,*+Sy ilay mamonjy an’i Davida mpanomponao amin’ny sabatra mahafaty.+
11 Afaho aho, ka vonjeo avy eo an-tanan’ny firenen-kafa,Izay milaza laingaSy manainga ny tanany ankavanana mba hianiana lainga.
12 Dia ho toy ny zavamaniry tanora, izay vetivety dia lehibe, ny zanakay lahy,Ary ny zanakay vavy ho toy ny andry vita sokitra mandravaka ny zoron’ny lapa.
13 Ho feno vokatra isan-karazany ny trano fitehirizam-bokatray;Hitombo an’arivony sy an’alinaliny ny ondry aman’osy eny amin’ny sahanay.
14 Tsy hisy ho tratran’ny loza* na tsy hahavanona anaka ny omby bevohoka ompianay;Tsy hisy hitaraina eny amin’ny tany malalaky ny tanànanay.
15 Sambatra izay vahoaka hoatr’izany!
Sambatra izay vahoaka manana an’i Jehovah ho Andriamaniny!+
Fanamarihana
^ Na: “Toerana avo.”
^ Na: “Atongilano.”
^ Na: “avy eo ambany fahefan’ny.”
^ Abt: “Ary ny tanany ankavanana dia tanana ankavanana mamitaka.”
^ Na: “Hitendry mozika.”
^ Na: “ilay mamonjy an’ireo mpanjaka.”
^ Na: “ho rovitra.”
