Salamo 111:1-10
111 Derao i Jah!*+
א [Alefa]
Hidera an’i Jehovah amin’ny foko manontolo aho+ב [Beta]Rehefa mivory miaraka amin’ireo manao izay mahitsy sy rehefa eo anivon’ny fiangonana.
ג [Gimela]
2 Lehibe ny asan’i Jehovah;+ד [Daleta]Mianatra momba azy ireny izay rehetra mankafy an’ireny.+
ה [He]
3 Heni-kaja sady mahavariana ny zavatra ataony,ו [Vao]Ary maharitra mandrakizay ny fahamarinany.+
ז [Zaina]
4 Ataony izay hahatsiarovana+ ny zavatra mahatalanjona nataony.
ח [Heta]
Mangoraka* sy mamindra fo i Jehovah.+
ט [Teta]
5 Omeny hanina ireo matahotra azy.+
י [Yôda]
Tsaroany mandrakizay ny fifanekena nataony.+
כ [Kafa]
6 Naharihariny tamin’ny vahoakany ny fahagagana nataony,ל [Lameda]Rehefa nomeny azy ireo ny lovan’ireo firenena.+
מ [Mema]
7 Marina sy ara-drariny ny asan’ny tanany;+נ [Nona]Azo atokisana ny didiny rehetra.+
ס [Sameka]
8 Azo ianteherana* foana ireny, amin’izao ka hatrany amin’ny mandrakizay;ע [Aina]Tamin’ny fahamarinana sy fahitsiana+ no nanaovana azy ireny.
פ [Pe]
9 Nanavotra ny vahoakany izy.+
צ [Tsade]
Namoaka didy izy hoe haharitra mandrakizay ilay fifanekena nataony.
ק [Kôfa]
Masina sy mendrika hatahorana+ ny anarany.
ר [Resa]
10 Ny fahatahorana an’i Jehovah no fiandohan’ny fahendrena.+
ש [Sina]
Tena lalin-tsaina+ izay rehetra mankatò ny didiny.*
ת [Tao]
Hoderaina mandrakizay izy.
Fanamarihana
^ Na: “Haleloia!” “Jah” no fanafohezana an’ilay anarana hoe Jehovah.
^ Na: “Miantra.”
^ Na: “Tsara fototra.”
^ Abt: “an’ireny.”
