Salamo 102:1-28
Vavaky ny olona mijaly rehefa mamoy fo* ka mamboraka ny zavatra mampanahy azy amin’i Jehovah.+
102 Henoy ny vavaka ataoko, Jehovah ô!+Ho tonga any aminao anie ny antso vonjy ataoko!+
2 Aza mihodina tsy hijery ahy* rehefa ao anatin’ny sarotra aho.+
Aoka ianao hanongilan-tsofina hihaino ahy;*Mba valio haingana aho rehefa miantso anao.+
3 Fa mandalo toy ny setroka ny androko,Ary may kila toy ny hoe natao tao anaty fatana ny taolako.+
4 Toy ny ahitra nodanihin’ny hainandro ny foko ka malazo,+Fa hadinoko na dia ny mihinan-kanina aza.
5 Noho izaho mitaraindraina mafy,+Dia taolana mifono hoditra sisa aho.+
6 Hoatran’ny gisandrano any an-tany efitra aho;Ary toy ny vorondolo kely any amin’ny tanàna rava.
7 Tsy mahita tory* aho,Sady hoatran’ny vorona manirery eny an-tampon-trano.+
8 Manaraby ahy tontolo andro ny fahavaloko.+
Izay maneso* ahy dia mampiasa ny anarako rehefa manozona.
9 Fa lavenona no hohaniko toy ny mofo,+Ary mifangaro ranomaso ny zavatra sotroiko,+
10 Satria tezitra sy sosotra ianao,Fa ningainao aho dia narianao.
11 Toy ny aloka efa tsy ho hita intsony* ny androko,+Ary malazo toy ny ahitra aho.+
12 Fa ianao kosa haharitra mandrakizay, Jehovah ô,+Ary ny lazanao* haharitra hatramin’ny taranaka fara aman-dimby.+
13 Hitsangana tokoa ianao ka hamindra fo amin’i Ziona,+Satria izao no fotoana hankasitrahana azy;+Tonga ny fotoana voatondro.+
14 Mahafinaritra an’ireo mpanomponao mantsy ny vato eo aminy,+Ary tian’izy ireo na dia ny vovoky ny taniny aza.+
15 Hatahotra ny anaran’i Jehovah ny firenena.Hatahotra ny voninahitrao daholo koa ny mpanjakan’ny tany.+
16 Fa hanorina indray an’i Ziona i Jehovah;+Hiseho amim-boninahitra izy.+
17 Hohenoiny tsara ny vavak’ireo tsy manana na inona na inona;+Tsy hataony tsinontsinona ny vavak’izy ireo.+
18 Soratana ho an’ny taranaka ho avy izany,+Mba hidera an’i Jah ny firenena iray mbola vao hoforonina.
19 Fa mitazana avy eny amin’ny toerana avo sy masina misy azy izy,+Avy any an-danitra i Jehovah no mijery ny tany,
20 Mba hihaino ny senton’ny voafonja,+Sy hanafaka an’ireo voaheloka ho faty.+
21 Amin’izay dia hambara any Ziona ny anaran’i Jehovah,+Ary hoderaina any Jerosalema izy,
22 Rehefa miangona mba hanompo an’i Jehovah+Ireo firenena sy fanjakana.
23 Nesoriny talohan’ny fotoana ny heriko;Nohafoheziny ny androm-piainako.
24 Dia hoy aho: “Ry Andriamanitro ô,Aza esorina ny aiko fa vao misasaka ny androm-piainako,Nefa ny taona iainanao maharitra hatramin’ny taranaka fara aman-dimby.+
25 Taloha ela be ianao no nametraka ny fototry ny tany,Ary asan’ny tananao ny lanitra.+
26 Ho levona ireo fa ianao kosa haharitra;Ho tonta toy ny akanjo ireo rehetra ireo.
Hosoloanao toy ny fitafiana ireo, ka tsy hisy intsony.
27 Fa ianao kosa tsy miova, ary tsy hifarana mihitsy ny taonanao.+
28 Honina tsy hanana ahiahy ny zanaky ny mpanomponao,Ary haharitra eo anatrehanao ny taranany.”+
