Salamo 101:1-8
Hiran’i Davida.
101 Hihira momba ny fitiavana sy ny tsy fivadihana ary ny rariny aho.
Ho anao, Jehovah ô, no hihirako hira fiderana!*
2 Ho malina sy tsy hisy tsiny* aho amin’izay hataoko.
Rahoviana ianao no hitsinjo ahy?
Handeha amin’ny fahitsian’ny foko+ aho ao an-tranoko.
3 Tsy hanisy zavatra tsy misy dikany* ho eo anoloan’ny masoko aho.
Halako ny zavatra ataon’ireo miala amin’ny lala-mahitsy;+Tsy hifandray amin’ireny mihitsy aho.*
4 Halaviriko ny fo fetsifetsy;Tsy hankasitraka* zavatra ratsy aho.
5 Hataoko tsy mahateny intsony*Izay olona manendrikendrika ny namany any ambadimbadika any.+
Tsy holeferikoNy olona manana maso mianjonanjona* sy fo mirehareha.
6 Hankasitraka an’ireo olona tsy mivadika eto an-tany aho,Mba hahafahan’izy ireo hiara-monina amiko.
Izay mandeha tsy misy tsiny* no ho lasa mpanompoko.
7 Tsy hisy mpamitaka hipetraka ao an-tranoko,Ary tsy hisy mpandainga hijoro eo anatrehako.*
8 Isa-maraina, dia hataoko tsy afa-miteny intsony* ny ratsy fanahy rehetra eto an-tany,Mba horinganina tsy ho ao an-tanànan’i Jehovah ny mpanao ratsy rehetra.+
Fanamarihana
^ Na: “hitendreko mozika.”
^ Na: “tsy hivadika.”
^ Na: “zavatra tsy misy ilana azy.”
^ Na: “Tsy mamikitra amiko ny zavatra ataon’izy ireo.”
^ Abt: “hahalala.”
^ Na: “Haringako.”
^ Na: “miavonavona.”
^ Na: “Izay tsy mivadika.”
^ Abt: “eo anoloan’ny masoko.”
^ Na: “hataoko tsy misy intsony.”
