Ohabolana 22:1-29
22 Aleo tsara laza* toy izay mahazo harem-be,+Ary aleo hajain’ny olona* toy izay mahazo volafotsy sy volamena.
2 Izao no mampitovy* ny mpanankarena sy ny mahantra:
Samy nataon’i Jehovah izy ireo.+
3 Mahatsinjo ny loza ny olona malina ka miafina,Fa izay tsy dia nahita fiainana* kosa mbola miroso ihany ka voa.*
4 Izay manetry tena sy matahotra an’i JehovahDia hahazo harena sy voninahitra ary fiainana.+
5 Tsilo sy fandrika no eo amin’ny lalan’ny fetsifetsy,Fa manalavitra an’izany kosa izay mankamamy ny ainy.+
6 Zaro amin’izay lalana tokony halehany ny zaza,*+Ka na rehefa antitra aza izy, dia tsy hiala amin’izany.+
7 Ny mpanankarena no mifehy ny mahantra,Ary mpanompon’izay nampindram-bola ny olona nindram-bola.+
8 Izay manao* ny tsy marina dia hijinja loza,+Ary ho tapatapaka ny tsorakazon’ny hatezerany.+
9 Hotahina izay tia manome,*Satria mizara ny sakafony amin’ny mahantra.+
10 Roahy ny mpaneso,Dia hijanona ny ady,Ary hitsahatra ny fifamaliana* sy ny ompa.
11 Izay madio fo sy manao teny mahafinaritra,No ho lasa naman’ny mpanjaka.+
12 Miaro an’izay manana fahalalana ny mason’i Jehovah,Fa avadiny kosa ny tenin’ny mpivadika.+
13 Hoy ny kamo: “Misy liona ao ivelany ao,
Ka sao dia ho fatiny eny amin’ny tany malalaka aho!”+
14 Toy ny lavaka lalina ny tenin’ny vehivavy maditra,*+
Ka izay melohin’i Jehovah no ho latsaka ao.
15 Latsa-paka ao am-pon’ny zaza* ny hadalana,+Fa ny tsorakazo famaizana* no hahatonga an’izany ho lavitra azy.+
16 Izay manambaka ny mahantra mba hitomboan’ny harenany,+Ary izay manome fanomezana ho an’ny mpanankarena,Dia hahantra no hiafarany.
17 Aoka ianao hanongilan-tsofina dia henoy ny tenin’ny hendry,+Mba hanekenao amin’ny fo manontolo ny zavatra ampianariko anao.+
18 Fa tsara raha tehirizinao any am-ponao lalina any izany,+Mba hiteny an’izany rehetra izany foana ny molotrao.+
19 Omeko fahalalana ianao androany,Amin’izay lasa matoky an’i Jehovah.
20 Tsy efa nanoratra taminao ve aho,Ka nanome anao torohevitra sy fahalalana,
21 Mba hampianarana anao zavatra marina sy azo antoka?Amin’izay ianao hiverina hitondra tatitra marina any amin’ilay naniraka anao.
22 Aza robaina ny mahantra satria hoe mahantra izy,+Ary aza ampijalina eo am-bavahadin’ny tanàna ny madinika.+
23 Fa i Jehovah mihitsy no hiady ho an’ireny any amin’ny fitsarana,+Sy hamono an’izay manambaka azy.
24 Aza minamana amin’ny olona mora tezitra,Na miarakaraka amin’ny olona mora misafoaka.
25 Amin’izay ianao tsy hanao ny fanaony mihitsy,Ka tsy ho voafandrika.+
26 Aza manaiky ho anisan’izay* mifandray tanana amin’olona,Ka manaiky hiantoka olona nindram-bola.+
27 Fa raha tsy manam-bola handoavana an’ilay izy ianao,Dia halaina ny fandriananao.
28 Aza akisaka ny marika mamaritra ny tanin’olona,Izay napetraky ny razambenareo taloha ela be.+
29 Mahita olona mahay tsara ny asany ve ianao?
Hijoro eo anatrehan’ny mpanjaka izy,+Fa tsy hijoro eo anatrehan’ny olon-tsotra.
Fanamarihana
^ Abt: “mahazo sitraka.”
^ Na: “Aleo mahazo anarana.”
^ Abt: “Mihaona.”
^ Na: “izay tanora fanahy; izay tsy ampy traikefa.”
^ Na: “voasazy.”
^ Na: “zazalahy; tanora.”
^ Abt: “mamafy.”
^ Abt: “izay manana maso tsara.”
^ Na: “fitoriana any amin’ny fitsarana.”
^ Na: “zazalahy; tanora.”
^ Na: “fananarana.”
^ Na: “Aza miaraka amin’izay.”
