Ohabolana 10:1-32
10 Ohabolan’i Solomona.+
Ny zanaka hendry mampifaly ny rainy,+Fa ny zanaka adala mampalahelo ny reniny.
2 Tsy mahasoa ny harena azo tamin’ny tsy marina,Fa hiaro ny olona tsy ho faty kosa ny fanaovana ny marina.+
3 Tsy havelan’i Jehovah ho noana ny olo-marina,+Fa holaviny kosa izay irin’ny ratsy fanahy.
4 Ny tanan’ny kamo mampahantra,+Fa ny tanan’ny mazoto kosa mampanan-karena.+
5 Manangom-bokatra mandritra ny fahavaratra ny zanaka hendry,Fa matory mandritra ny fijinjana ny zanaka manala baraka.+
6 Hotahina ny olo-marina,+Fa herisetra kosa no ao ambadiky ny tenin’ny ratsy fanahy.
7 Hotsaroana* foana ny olo-marina ka hotahina,+Fa ho hadino* ny anaran’ny ratsy fanahy.+
8 Hanaiky torohevitra* ny olona manana fo hendry,+Fa ho voahitsakitsaka kosa izay miteniteny foana.+
9 Hilamin-tsaina ny olona tsy mivadika,+Fa ny mpamitaka ho tratra eny ihany.+
10 Mandratra fo ny olona mipy maso nefa te hamitaka,+Ary ho voahitsakitsaka izay miteniteny foana.+
11 Loharanon’aina ny vavan’ny olo-marina,+Fa herisetra kosa no ao ambadiky ny tenin’ny ratsy fanahy.+
12 Ny fankahalana no mampiady olona,Fa ny fitiavana indray manarona ny fahadisoana rehetra.+
13 Milaza tenim-pahendrena ny molotry ny olona mahay mandinika,+Fa natao ho an’ny lamosin’ny tsy ampy saina* kosa ny tsorakazo.+
14 Mitahiry fahalalana ny hendry,+Fa ny vavan’ny adala kosa mahatonga azy ho ringana.+
15 Ny harenan’ny* mpanankarena no miaro azy, toy ny tanàna misy manda,
Fa ny fahantran’ny sahirana kosa no mahavoa azy.+
16 Hahazoana fiainana ny zavatra ataon’ny olo-marina,Fa fahotana kosa no vokatry ny ataon’ny ratsy fanahy.+
17 Mitarika olona hanaraka ny* lalan’ny fiainana ny olona mihaino anatra,*Fa izay tsy miraharaha anatra kosa mitarika olona hanaraka lalan-diso.
18 Mandainga izay mody tsy mankahala,+Ary tsisy saina izay manely tsaho.*
19 Izay be resaka loatra dia tsy maintsy hanota amin’izay lazainy,+Fa malina kosa ny olona mahafehy ny vavany.+
20 Hoatran’ny volafotsy faran’izay tsara ny lelan’ny marina,+Fa tsy dia misy vidiny kosa ny fon’ny ratsy fanahy.
21 Mitari-dalana* olona maro ny tenin’ny olo-marina,+Fa matin’ny hadalany ihany ny tsisy saina.+
22 Ny fitahian’i Jehovah no mampanan-karena,+Ary tsy ampiany fijaliana* izany.
23 Amin’ny tsisy saina, dia toy ny kilalao ny fitondran-tena mahamenatra,Fa natao ho an’ny olona mahay mandinika kosa ny fahendrena.+
24 Ny zavatra atahoran’ny ratsy fanahy mihitsy no hanjo azy,Fa ho tanteraka kosa ny fanirian’ny olo-marina.+
25 Rehefa mandalo ny tafio-drivotra, dia tsy hisy intsony ny ratsy fanahy,+Fa ny olo-marina kosa ho mafy orina mandrakizay.+
26 Toy ny vinaingitra amin’ny nify sy toy ny setroka amin’ny maso,Dia hoatr’izany koa ny kamo amin’ny olona maniraka azy.*
27 Ny tahotra an’i Jehovah no mahela velona,+Fa hohafohezina kosa ny taona iainan’ny ratsy fanahy.+
28 Mahafalifaly ny fanantenan’ny* olo-marina,+Fa tsy ho tanteraka mihitsy ny zavatra antenain’ny ratsy fanahy.+
29 Manda fiarovana ho an’ny tsy misy tsiny ny lalan’i Jehovah,*+Fa fandringanana kosa izy io ho an’ny ratsy fanahy.+
30 Tsy ho lavo mihitsy ny olo-marina,+Fa ny ratsy fanahy kosa tsy hisy eto an-tany intsony.+
31 Milaza* fahendrena ny vavan’ny olo-marina,Fa hotapahina kosa ny lelan’ny mpandainga.
32 Milaza teny mahafinaritra ny molotry ny olo-marina,Fa lainga no eo am-bavan’ny ratsy fanahy.
Fanamarihana
^ Na: “Halaza tsara.”
^ Na: “ho lo.”
^ Abt: “didy.”
^ Abt: “tsy misy fo.”
^ Na: “zava-tsarobidin’ny.”
^ Na mety hoe “Mandeha eo amin’ny.”
^ Na: “fifehezana; famaizana.”
^ Na: “resaka ratsy momba ny olon-kafa.”
^ Na: “Mamelona.”
^ Na: “alahelo; fahoriana.”
^ Na: “amin’ny mpampiasa azy.”
^ Na: “zavatra andraindrain’ny.”
^ Na: “ny fanaovan’i Jehovah zavatra.”
^ Na: “Mamokatra.”
