Isaia 58:1-14
58 “Miantsoantsoa faran’izay mafy, fa aza miahotrahotra mihitsy.
Ataovy mafy be hoatran’ny feon’anjombona ny feonao,
Ka lazao amin’ny vahoakako hoe nikomy izy ireo,+Ary amin’ny taranak’i Jakoba hoe nanota izy ireo.
2 Mitady ahy isan’andro, hono, izy ireo,Ary mahafinaritra azy ireo, hono, ny mahafantatra ny lalako.Hoatran’ny hoe firenena nanao ny marina erỳ izy ireo,Ka tsy nahafoy ny didin’ilay Andriamaniny!+
Dia mangataka ahy hitsara ara-drariny izy ireo,Fa mahafinaritra azy, hono, ny manatona an’Andriamanitra.+ Hoy izy ireo:
3 ‘Fa maninona no tsy jerenao izahay rehefa mifady hanina,+
Ary tsy raharahianao rehefa malahelo noho ny fahotanay?’+
Dia namaly aho hoe: ‘Satria rehefa tonga ny andro ifadianareo hanina, dia izay mahafinaritra anareo ihany no ataonareo,*Sady ampijalinareo koa izay miasa mafy ho anareo.+
4 Miady sy mifanditra foana ianareo rehefa avy mifady hanina,Sady mifamely totohondry amin-kabibiana.
Tsy afaka mifady hanina hoatr’izao ataonareo izao ianareo, nefa avy eo manantena hoe hohenoiko any an-danitra ny feonareo.
5 Hoatr’izao angaha ny fifadian-kanina tiako hataonareo:Mampahory tena hoatran’ny amin’ny andro fifadian-kanina,Dia miondrika toy ny harefo,Ary matory eo ambony gony sy lavenona?
Izany ve no ataonareo hoe fifadian-kanina sy andro mahafaly an’i Jehovah?
6 Hoatr’izao kosa ny fifadian-kanina ekeko:
Manala ny gadra vy napetaka noho ny tsy rariny,Mamaha ny tadin’ny zioga,+Manafaka an’izay nampijalina sy mamela azy handeha,+Ary manapaka ny zioga rehetra.
7 Dia izao koa: Mizara ny mofonao amin’ny noana,+Sy mampiantrano ny mahantra sy ny tsy manan-kialofana,Mampitafy an’izay hitanao hoe mitanjaka,+Ary tsy manome lamosina ny rahalahinao.
8 Amin’izay dia hamirapiratra toy ny amin’ny maraina ny hazavanao,+Ary ho sitrana haingana ianao.
Handeha eo alohanao ny fahamarinanao,Ary ho vodilaharana mpiaro anao ny voninahitr’i Jehovah.+
9 Hiantso ianao dia hamaly i Jehovah.Hiantso vonjy ianao, dia hilaza izy hoe: ‘Ahoana izay?’
Raha esorinao ny zioga entin’ny olona,Ary tsy tondrotondroinao amin’ny rantsantananao intsony izy, sady tsy haratsiratsinao intsony,+
10 Raha omenao an’izay irinao koa ny noana,+Sady ataonao afa-po izay mijaly,Dia hamirapiratra ny hazavanao na dia ao anatin’ny haizina aza,Ary ho toy ny mitataovovona ny haizim-pitonao.+
11 Hitarika anao foana i Jehovah,Ka hataony afa-po ianao, na dia any amin’ny tany karakaina aza.+Hanatanjaka ny taolanao izy,Ka ho lasa hoatran’ny tanimboly azon-drano tsara ianao,+Hoatran’ny loharano tsy mety ritra.
12 Noho ny aminao, dia haorin’izy ireo indray ny toerana efa rava hatry ny ela,+Ary hatsanganao indray ny fototra efa nisy hatramin’ny taranaka taloha.+
Hantsoina hoe mpanamboatra ny manda efa rava* ianao,+Ary mpamerina ny lalana amin’ny laoniny mba hipetrahan’ny olona eny amorony.
13 Raha manaja ny Sabata ianao ka* tsy mitady ny tombontsoanao fotsiny amin’ny androko masina,+Ary raha toa ny Sabata ka ataonao andro tena mahafinaritra anao sy andro masin’i Jehovah ary andro omem-boninahitra,+Ka omenao voninahitra, fa tsy mitady ny tombontsoanao fotsiny ianao sady tsy miteniteny foana,
14 Dia ho finaritra tanteraka amin’i Jehovah ianao,Ary hataoko mifehy ny toerana avo eny ambonin’ny tany.+
Havelako hihinana* ny vokatra avy amin’ny lovan’i Jakoba razambenao koa ianao.+Fa i Jehovah no efa niteny.”
Fanamarihana
^ Na: “izay tombontsoanareo ihany no tadiavinareo.”
^ Abt: “ny gorobaka.”
^ Abt: “ka mamerina ny tongotrao fa.”
^ Na: “hankafy.”
