Isaia 27:1-13
27 Amin’izany andro izany, dia hampiasain’i Jehovah ny sabany maranitra sy lehibe ary mafy,+Ka hofaiziny ny Leviatana,* ilay bibilava mitsoriaka.Hofaiziny ny Leviatana, ilay bibilava miolanolana,Ary hovonoiny ilay biby ngezabe any an-dranomasina.
2 Amin’izany andro izany, dia mihirà ho azy,* hoe:
“Tanimboaloboka mamokatra divay mandroatra!+
3 Izaho, Jehovah, no miaro azy.+
Hanondraka azy amin’ny fotoana rehetra aho.+
Dia harovako andro aman’alina izy,Mba tsy hisy hanimba.+
4 Tsy tezitra intsony aho.+
Raha misy fahavalo misakana ny lalako amin’ny tsilo sy ahidratsy,
Dia hohitsakitsahiko ireny, ary hataoko indray mandoro.
5 Raha tsy izany, dia tokony hifikitra amin’ilay fiarovana mafy omeko izy.
Tokony hitady fihavanana amiko izy,Ary hitady ahy mba hihavana izahay.”
6 Amin’ny andro ho avy, dia hisy fakany i Jakoba,Ary hamony sy hitsimoka i Israely.+Dia hofenoin’izy ireo vokatra ilay tany.+
7 Tsy maintsy hokapohina hoatran’ny ikapohan’ilay mikapoka azy ve izy?
Sa izy tsy maintsy hovonoina hoatran’ny nandripahana an’ireo novonoina teo aminy?
8 Hiady aminy ianao sady hanao kiakiaka mampahatahotra rehefa mandroaka azy.
Horoahinao amin’ny rivotra mifofofofo mafy avy aminao izy, amin’ny andro isian’ny rivotra avy any atsinanana.+
9 Hoatr’izao àry no handrakofana ny fahadisoan’i Jakoba,+Ary izao no ho vokany rehefa esorina ny fahotany:
Hataony toy ny vatosokay nopotipotehinaNy vato rehetra eo amin’ny alitara,Ary tsy hisy tsato-kazo masina* na fandoroana emboka manitra ho tavela intsony.+
10 Fa hiala ao amin’ilay tanàna voaro mafy ny mponina rehetra ao,Ary ho hadino sy hilaozana toy ny tany efitra ny kijana.+
Any ny zanak’omby no hiraoka ahitra sy hatory,Ary hihinana sampan-kazo.+
11 Rehefa maina ireo rantsany kely,Dia ho tonga hanapaka an’ireny ny vehivavyMba hataony kitay.
Fa tsy misaina ity vahoaka ity,+
Ka tsy hamindra fo aminy ny Mpanao azy,Ary tsy hiantra azy+ ny Mpamolavola azy.
12 Amin’izany andro izany, dia hahintsan’i Jehovah ny voankazo, hatrany amin’ny rano mikoriana avy any amin’ny Renirano* ka hatrany amin’ny Reniranon’i* Ejipta.+ Dia hangonina tsirairay ianareo, ry vahoakan’Israely.+
13 Ary hisy anjombona lehibe hotsofina,+ amin’izany andro izany. Dia ho tonga izay efa ho faty any Asyria+ sy izay miparitaka any Ejipta,+ ka hiankohoka eo anatrehan’i Jehovah eo amin’ny tendrombohitra masina any Jerosalema.+
Fanamarihana
^ Angamba i Israely, izay oharina amin’ny vehivavy sy amin’ny tanimboaloboka.
^ Izany hoe Eofrata.
