Isaia 16:1-14
-
Fanamelohana an’i Moaba: Tohiny (1-14)
16 Andefaso ondrilahy ny mpitondra eo amin’ilay tany,Dia ondry avy any Sela hamakivaky ny tany efitraHatrany amin’ny tendrombohitr’i Ziona zanakavavy.
2 Hoatran’ny voro-manidina voaroaka ao amin’ny akaniny,+Dia ho toy izany ny zanakavavin’i Moaba eny amin’ny toerana fiampitana an’i Arnona.+
3 “Manomeza torohevitra, dia tanteraho ilay fanapahan-kevitra.
Ataovy maizina be hoatran’ny amin’ny alina ny alokao amin’ny mitataovovonana.
Afeno ny olona miparitaka, ary aza mamadika an’izay mandositra.
4 Enga anie ka hipetraka ao aminao izay vahoakako miparitaka, ry Moaba!
Ataovy lasa toerana fiafenany ianao, satria ho avy ny mpandringana azy.+
Tsy hisy mpampijaly intsony,Ary ho tapitra ny fandringanana.Haripaka tsy hisy eto an-tany intsony koa izay manao tsinontsinona olona.
5 Hatao mafy orina ny seza fiandrianana,
Dia ho be fitiavana sy tsy hivadika ary ho mendri-pitokisana ilay mpanjaka hipetraka eo, ao amin’ny tranolain’i Davida.+Hitsara araka ny rariny izy, ary hampihariny haingana izay mahitsy.”+
6 Efa henonay ny fireharehan’i Moaba, fa mirehareha be izy.+Manambony tena sy mirehareha izy sady romotra.+Miteniteny foana anefa izy ka tsy hahavita na inona na inona akory.
7 Hidradradradra àry i Moaba noho ny fahoriany,Hidradradradra daholo ny olona any.+
Hitaraindraina izay ampijalina, satria malahelo ny mofo vita amin’ny voaloboka maina any Kira-haresa.+
8 Malazo ny voly eny amin’ny tanimboly mikitohatohatr’i Hesbona.+Malazo koa ny voalobok’i Sibma.+Nohitsakitsahin’ny mpitondran’ireo firenena ny sampany mena midorehitra.*Tonga hatrany Jazera ireny sampany ireny,+Ary nisandrahaka hatrany an-tany efitra.
Nandrobona ny tsimok’ireny, ka tonga hatrany amin’ny ranomasina.
9 Hitomany noho ny voalobok’i Sibma àry aho, hoatran’ny itomaniako an’i Jazera.
Hataoko kotsan’ny ranomasoko ianareo, ry Hesbona sy Elale,+Satria tsy mihorakoraka intsony ny mpioty voankazo masaka fahavaratra sy ny mpijinja.*
10 Tsy misy mifalifaly sy miravoravo intsony eny amin’ny saham-boankazo,Ary tsy misy mihirahira sy mihorakoraka intsony eny an-tanimboaloboka.+
Tsy manitsakitsaka voaloboka ao anaty lavaka famiazam-boaloboka intsony ny olona mpanao an’izany,Satria natsahatro tanteraka ny horakoraka.+
11 Mipararetra ny foko noho ny amin’i Moaba,+Ka mangovitra hoatran’ny harpa tendrena.Mangovitra koa ny any anatiko lalina any, noho ny amin’i Kira-haresa.+
12 Tsy hahavita na inona na inona i Moaba, na dia mandrera-tena eny amin’ny toerana avo aza, sady mandeha mivavaka eny amin’ny toerany masina.+
13 Izany no efa nolazain’i Jehovah momba an’i Moaba.
14 Hoy indray i Jehovah izao: “Ato anatin’ny telo taona, hoatran’ny taona iasan’ny mpikarama,* dia hatao afa-baraka i Moaba, ary hisahotaka be ny olona ao aminy. Ho vitsy kely sisa sady tsy hatanjaka ny olona tavela ao.”+
Fanamarihana
^ Na: “ny sampany feno voaloboka mena.”
^ Na mety hoe “Satria mihorakoraka ireo mpiady, mandritra ny fiotazanareo voankazo masaka fahavaratra sy ny fijinjana ataonareo.”
^ Na: “isaina tsara araka ny fanaon’ny mpikarama”, izany hoe ao anatin’ny telo taona katroka.
