Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

Baiboly ato Amin’ny Internet

NY SORATRA MASINA—FANDIKAN-TENIN’NY TONTOLO VAOVAO

Salamo 91:1-16

91  Izay monina ao amin’ny toerana miafin’ny+ Avo Indrindra,+ Dia hitoetra ao ambany alok’Ilay Mahery Indrindra.+   Hilaza amin’i Jehovah aho hoe: “Fialofako ianao, ary fiarovana mafy ho ahy,+ Sady Andriamanitro izay hatokisako.”+   Fa izy no hanafaka anao amin’ny fandriky ny mpamandri-borona,+ Sy amin’ny areti-mandringana mitera-doza.+   Ny volon’elany no hisakanany an’izay manatona hamely anao,+ Ary ao ambany elany no hialofanao.+ Ho ampinga+ lehibe ny fahamarinany,+ sady ho manda fiarovana.   Tsy hisy hatahoranao izay rehetra mampihorohoro amin’ny alina,+ Na ny zana-tsipìka+ misidina amin’ny antoandro,   Na ny areti-mandringana miely amin’ny maizina,+ Na ny fandringanana mandripaka amin’ny mitataovovonana.+   Na dia hisy arivo aza ho lavo eo anilanao, Ary iray alina eo ankavananao, Dia tsy hanakaiky anao kosa izany loza rehetra izany.+   Hitaza-maso fotsiny ianao,+ Ary ho hitanao ny hamaliana ny ratsy fanahy noho izay nataony.+   Koa satria efa nilaza ianao hoe: “Fialofako i Jehovah”,+ Dia nataonao fonenanao ny Avo Indrindra.+ 10  Tsy hisy loza hanjo anao,+ Na zava-doza hanakaiky ny tranolainao.+ 11  Fa homeny baiko hitsinjo anao ny anjeliny+ Mba hiaro anao amin’ny lalanao rehetra.+ 12  Eny an-tanan’izy ireo no hitondrana anao,+ Mba tsy hidona amin’ny vato ny tongotrao.+ 13  Hanitsakitsaka liona tanora sy kôbrà ianao,+ Ary hanosihosy liona tanora masiaka sy bibilava ngezabe.+ 14  Satria izaho no niraiketan’ny fony+ Dia hanafaka azy aho.+ Harovako izy, satria nanjary nahalala ny anarako.+ 15  Hiantso ahy izy, dia hamaly azy aho.+ Ho eo aminy aho raha ory izy.+ Hamonjy azy aho, ary hanome voninahitra azy.+ 16  Hataoko ela velona izy ka ho afa-po amin’izany,+ Ary hataoko izay hahazoany famonjena avy amiko.+

Fanamarihana ambany pejy