Salamo 89:1-52
Maskila nataon’i Etana Ezrahita.+
89 Hohiraiko mandritra ny fotoana tsy voafetra ny hatsaram-panahy feno fitiavana nasehon’i Jehovah.+Hatramin’ny taranaka fara mandimby no hanambarako fa tsy mivadika ianao.+
2 Fa hoy aho: “Ho mafy orina mandrakizay ny hatsaram-panahinao feno fitiavana,+Ary ataonao tsara fototra any an-danitra ny tsy fivadihanao.”+
3 “Efa nanao fifanekena tamin’ilay voafidiko aho,+Ary efa nianiana tamin’i Davida mpanompoko+ hoe:
4 ‘Hataoko maharitra mandritra ny fotoana tsy voafetra ny taranakao,+Ary ny seza fiandriananao+ hataoko mafy orina hatramin’ny taranaka fara mandimby.’” Sela.
5 Hoderain’ny lanitra ny zava-mahagaga nataonao, Jehovah ô,+Eny, hoderaina eo anivon’ny fiangonan’ireo masina ny tsy fivadihanao.
6 Fa iza any an-danitra no afaka mifampitaha amin’i Jehovah?+Iza amin’ireo zanak’Andriamanitra no mitovy amin’i Jehovah?+
7 Andriamanitra tokony hohajaina izy, eo anivon’ireo masina mpinamana akaiky.+Be voninahitra sy mendrika hatahorana izy, eo amin’izay rehetra manodidina azy.+
8 Jehovah Andriamanitry ny tafika ô,+Iza no mahery tahaka anao, ry Jah?+Mendri-pitokisana ianao amin’ny zava-drehetra.+
9 Manjaka amin’ny ranomasina misamonta ianao,+Ary ianao no mampitony azy raha avo be ny onjany.+
10 Notorotoroinao i Rahaba,+ ka toy ny olona novonoina.+Ny herin-tsandrinao no nanaparitahanao ny fahavalonao.+
11 Anao ny lanitra,+ ary anao koa ny tany.+Ny tany lonaka sy izay rehetra eo aminy,+ dia ianao no nanao azy.+
12 Ianao no nanao ny avaratra sy ny atsimo,+Ary mihoby+ sy midera ny anaranao i Tabara+ sy Hermona.+
13 Manan-tsandry mahery ianao,+Matanjaka ny tananao,+Ary misandratra ny tananao ankavanana.+
14 Ny rariny sy ny hitsiny no fototra iorenan’ny seza fiandriananao,+Ary mankeo anatrehanao ny hatsaram-panahy feno fitiavana sy ny fahamarinana.+
15 Sambatra izay olona manao horakora-pifaliana.+Handeha amin’ny fahazavan’ny tavanao foana izy ireo, Jehovah ô!+
16 Ny anaranao no ifaliany mandrakariva,+Ary ny fahamarinanao no isandratany.+
17 Fa ianao no voninahitry ny heriny,+Ary noho ny fankasitrahanao, dia misandratra ny tandrokay.+
18 Avy amin’i Jehovah ny ampinganay,+Ary avy amin’Ilay Masin’ny Israely ny mpanjakanay.+
19 Tamin’izany, dia niteny tao amin’ny fahitana ianao,+Ka nilaza tamin’ireo tsy nivadika taminao hoe:“Nanampy olo-mahery aho,+Ary nanandratra olona iray nofidiko teo amin’ny vahoaka.+
20 Nahita an’i Davida mpanompoko aho,+Ka nohosorako menaka masina izy.+
21 Homba azy ny tanako mahery,+Hanatanjaka azy koa ny sandriko.+
22 Tsy hisy fahavalo hampahory azy,+Ary tsy hisy zanaky ny tsy fahamarinana hampijaly azy.+
23 Nanamontsana ny fahavalony teo anatrehany aho,+Sady tsy nitsahatra namely an’ireo mankahala mafy azy.+
24 Homba azy ny tsy fivadihako sy ny hatsaram-panahiko feno fitiavana,+Ary ny anarako no isandratan’ny tandrony.+
25 Nataoko teo ambonin’ny ranomasina ny tanany,+Ary teo ambonin’ny renirano ny tanany ankavanana.+
26 Dia hiantso ahy izy hoe: ‘Raiko ianao,+Sady Andriamanitro+ sy Vatolampy mpamonjy ahy.’+
27 Ary izaho hanao azy ho lahimatoa,+Sy ho ambony indrindra amin’ny mpanjakan’ny tany.+
28 Mandritra ny fotoana tsy voafetra, dia tsy hesoriko aminy ny hatsaram-panahiko feno fitiavana,+Ary ho azo antoka ny fifanekena nataoko taminy.+
29 Hataoko maharitra mandrakizay ny taranany,+Ary ny seza fiandrianany ho tahaka ny andron’ny lanitra.+
30 Raha mandika ny lalàko ny taranany,+Ka tsy mankatò ny didim-pitsarako,+
31 Ary raha manao tsinontsinona ny fitsipiko izy ireo,Ka tsy mitandrina ny didiko,
32 Dia hofaiziko amin’ny tsorakazo satria nandika lalàna,+Ary hokapohiko satria nanao fahadisoana.+
33 Tsy hesoriko aminy anefa ny hatsaram-panahiko feno fitiavana,+Ary tsy mba hivadika aho fa ho mendri-pitokisana foana.+
34 Tsy hivadika amin’ny fifanekena nataoko aho,+Ary tsy hanova ny teny efa nolazaiko aho.+
35 Efa nianiana indray mandeha tamin’ny fahamasinako aho,+Ka tsy handainga amin’i Davida.+
36 Haharitra mandritra ny fotoana tsy voafetra ny taranany,+Ary haharitra eo anatrehako toy ny masoandro koa ny seza fiandrianany.+
37 Ho mafy orina mandritra ny fotoana tsy voafetra, toy ny volana, izy io,Ary ho tahaka ilay vavolombelona mendri-pitokisana eny amin’ny lanitra.” Sela.
38 Ianao kosa anefa nanary an’ilay voahosotrao, sy nanao tsinontsinona azy,+Ary nisafoaka taminy.+
39 Nohamavoinao ny fifanekena nataonao tamin’ilay mpanomponao,Nozimbazimbainao ny diademany ka natsipinao tamin’ny tany.+
40 Narodanao daholo ny vala* nananany,+Ary noravanao ny mandany.+
41 Koa nandroba azy daholo izay rehetra nandalo,+Ary nandatsa azy ny manodidina.+
42 Nasandratrao ny tanana ankavanan’ny fahavalony,+Ary nampifalinao izay rehetra nandrafy azy.+
43 Nataonao fahavalo indray ny sabany,+Ary tsy nampianao izy tany an’ady.+
44 Nesorinao taminy ny famirapiratany,+Ary natsipinao tamin’ny tany ny seza fiandrianany.+
45 Nohafohezinao ny andron’ny fahatanorany,Norakofanao henatra izy.+ Sela.
46 Mandra-pahoviana ianao no hiafina, Jehovah ô? Ho mandrakizay ve?+Hirehitra foana toy ny afo ve ny fahatezeranao?+
47 Tsarovy fa fohy ihany ange ny androm-piainako e!+Dia ho very maina fotsiny ve ny namoronanao ny zanak’olombelona rehetra?+
48 Iza no olona mbola velon’aina ka tsy ho faty?+Afa-mandositra tsy ho voagejan’ny Fasana* ve izy?*+ Sela.
49 Jehovah ô, aiza ireny hatsaram-panahinao taloha ireny,Izay nianiananao tamin’i Davida noho ianao tsy mivadika?+
50 Tsarovy ny latsa nozakain’ny mpanomponao, Jehovah ô!+Tsarovy ny nitondrako* latsa avy tamin’ny firenena rehetra,+
51 Sy ny nandatsan’ireo fahavalonao an’ilay voahosotrao, Jehovah ô,+Eny, ny nandatsan’izy ireo azy noho izay rehetra nataony.+
52 Hisaorana mandritra ny fotoana tsy voafetra anie i Jehovah! Amena! Amena!+
Fanamarihana
^ Vala mafy orina vita amin’ny vato.
^ Heb.: sheôl. Jereo F.F. 3D.
^ Heb.: nefesh. Jereo F.F. 3A.
^ Miampy toy izao ny soratra hebreo: “Teo an-tratrako.”
