Salamo 80:1-19
Ho an’ny mpitarika ny Lisy.+ Fampahatsiahivana. Hiran’i Asafa.+
80 Mihainoa, ry Mpiandry ny Israely ô,+Dia ianao izay mitarika an’i Josefa toy ny fitarika andian’ondry.+Mamirapirata,+ ry ilay mipetraka eo amin’ny kerobima+ ô!
2 Fohazy ny herinao, eo anatrehan’i Efraima sy Benjamina ary Manase,+Ka avia hamonjy anay.+
3 Avereno ho toy ny taloha izahay, Andriamanitra ô!+Ampamirapirato ny tavanao mba hahavoavonjy anay.+
4 Ry Jehovah Andriamanitry ny tafika ô, mandra-pahoviana no hahatezitra anao ny vavaka ataon’ny olonao?+
5 Ranomaso no ataonao sakafony,+Ary ranomaso mandriaka no ampisotroinao azy.+
6 Ataonao miady anay ny manodidina anay,+Ary manaram-po maneso anay ny fahavalonay.+
7 Avereno ho toy ny taloha izahay, ry Andriamanitry ny tafika ô!+Ampamirapirato ny tavanao mba hahavoavonjy anay.+
8 Nisy voaloboka nafindranao avy tany Ejipta.+Noroahinao ireo firenena mba hahafahanao hamboly azy.+
9 Ary nodiovinao ny toerana hambolenao azy,+ mba hahafahany hamaka sy hameno ilay tany.+
10 Naharakotra ny tendrombohitra ny alokalony,Ary ny sampany naharakotra ny hazo sederan’Andriamanitra.+
11 Nisandrahaka tsikelikely hatrany an-dranomasina ny sampany,+Ary hatrany amin’ny Renirano ny rantsany.+
12 Nahoana no noravanao ny fefy vatony?+Ary nahoana no mioty ny voany, izay rehetra mandalo?+
13 Trongitrongisin’ny lambo avy any an’ala izy,+Ary hohanin’ny biby maro be avy any an-tsaha.+
14 Miverena re, ry Andriamanitry ny tafika ô!+Aoka ianao hitsinjo avy any an-danitra, ka jereo sy karakarao ity voaloboka ity,+
15 Sy ilay foto-boaloboka nambolen’ny tananao ankavanana.+Ary tsinjovy ilay solofo izay nohatanjahinao ho anao.+
16 Kilan’ny afo izy sady voakapa.+Ringana izy ireo noho ny anatra mafy nataonao.+
17 Aoka ny tananao hanampy an’ilay olona eo an-tananao ankavanana,+Dia ilay zanak’olombelona izay nohatanjahinao ho anao.+
18 Tsy hiala aminao izahay.+Hitsimbina ny ainay anie ianao, mba hiantsoanay ny anaranao!+
19 Avereno ho toy ny taloha izahay, ry Jehovah Andriamanitry ny tafika ô!+Ampamirapirato ny tavanao mba hahavoavonjy anay.+
