Hijery ny anatiny

Ho any amin'ny fizarana anatiny

Ho any amin'ny loha hevitra

Vavolombelon’i Jehovah

Malagasy

Baiboly ato Amin’ny Internet | NY SORATRA MASINA—FANDIKAN-TENIN’NY TONTOLO VAOVAO

Salamo 58:1-11

Ho an’ny mpitarika. “Aza mandringana.” Miktama nataon’i Davida. 58  Ahoana moa no hiresahanareo fahamarinana nefa ianareo mangina fotsiny?+ Afaka mitsara araka ny hitsiny ve ianareo, ry zanak’olombelona?+   Tsia, fa minia manao ny tsy marina ianareo.+ Mitady lalana hanaovana herisetra koa ianareo.+   Efa hatrany am-bohoka ny ratsy fanahy no niala tamin’ny lala-mahitsy,+ Ary efa hatrany an-kibo izy ireo no nania. Mpandainga koa izy ireo.+   Ny poizina avy aminy dia toy ny poizin’ny bibilava,+ Ary marenina tahaka ny kôbrà manampin-tsofina izy,+   Dia ny kôbrà izay tsy hihaino ny feon’ny mpibaiko azy,+ Na dia eo aza ny fandraikiraikena ataon’ny mpilalao ody mahay.+   Andriamanitra ô, tapatapaho ho afaka ao am-bavany ny nifiny!+ Jehovah ô, torotoroy ny valanoranon’ny liona tanora matanjaka!   Ho levona toy ny zavatra alefa ao anaty rano mikoriana anie ireny!+ Aoka izy hamatotra ny tadin-tsipìkany, dia hidaraboka ireny.+   Toy ny sifotra mihalevona izy. Tsy hahita masoandro izy ireo, toy ny zaza afaka tao an-kibon-dreniny.+   Mbola tsy mafana akory ny vilaninareo eo ambonin’ny afon-tsilo,+ Dia efa lasan’Andriamanitra ny tsilo mbola maitso sy ny efa mirehitra, ka toy ny nopaohin’ny tafio-drivotra.+ 10  Hifaly ny olo-marina rehefa mahita ny fampiharana valifaty.+ Handroboka ny tongony ao amin’ny ran’ny ratsy fanahy izy.+ 11  Dia hilaza ny olona hoe:+ “Misy valisoa tokoa ho an’ny olo-marina.+ Ary misy Andriamanitra mitsara tokoa etỳ an-tany.”+

Fanamarihana ambany pejy