Hijery ny anatiny

Ho any amin'ny fizarana anatiny

Ho any amin'ny loha hevitra

Vavolombelon’i Jehovah

Malagasy

Baiboly ato Amin’ny Internet | NY SORATRA MASINA—FANDIKAN-TENIN’NY TONTOLO VAOVAO

Salamo 56:1-13

Ho an’ny mpitarika ny “Voromailala Tsy Mahaloa-peo” eo amin’ireo any an-tany lavitra. Miktama nataon’i Davida, tamin’izy voasambotry ny Filistinina tany Gata.+ 56  Iantrao aho, Andriamanitra ô, fa mitady handrapaka ahy ny olombelona mety maty.+ Miady amiko foana izy, ary mampahory ahy tsy misy farany.+   Mitady handrapaka ahy foana ny fahavaloko,+ Ary maro no mirehareha miady amiko.+   Rehefa matahotra aho, dia mitoky aminao.+   Tafaray amin’Andriamanitra aho, ka hidera ny teniny.+ Andriamanitra no itokisako, ka tsy hatahotra aho.+ Inona moa no azon’ny olona atao amiko?+   Misompatra an’izay ataoko foana izy ireo, Ary tsy mieritreritra afa-tsy ny hanisy ratsy ahy.+   Manafika izy ireo, dia miafina,+ Ary arahiny maso foana izay alehako,+ Ka mifofo ny aiko izy ireo.+   Aoka holavinao izy ireo, noho ny sain-dratsiny.+ Aoka ianao handripaka amin-katezerana an’ireo olona ireo, Andriamanitra ô!+   Noraisinao an-tsoratra izay nanjo ahy nandritra ny fandosirako.+ Ataovy ao anaty sininao* ny ranomasoko.+ Tsy voasoratra ao anaty bokinao ve ireny?+   Koa hiverin-dalana ny fahavaloko, amin’ny andro iantsoako anao.+ Fantatro tsara fa momba ahy Andriamanitra.+ 10  Tafaray amin’Andriamanitra aho,+ ka hidera ny teniny. Tafaray amin’i Jehovah aho, ka hidera ny teniny.+ 11  Andriamanitra no itokisako, ka tsy hatahotra aho.+ Inona moa no azon’ny olombelona atao amiko?+ 12  Mbola misy voady tsy maintsy hefaiko aminao Andriamanitra ô!+ Hanolotra fisaorana ho anao aho.+ 13  Fa novonjenao tsy ho faty aho.+ Tsy ianao ve no niaro ny tongotro tsy ho tafintohina?+ Mba handehanako eo anatrehan’Andriamanitra, amin’ny fahazavan’ny velona.+

Fanamarihana

Siny hoditra.