Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

Baiboly ato Amin’ny Internet

NY SORATRA MASINA—FANDIKAN-TENIN’NY TONTOLO VAOVAO

Salamo 52:1-9

Ho an’ny mpitarika. Maskila nataon’i Davida, rehefa tonga i Doega Edomita, ka nilaza tamin’i Saoly fa nankany an-tranon’i Ahimeleka i Davida.+ 52  Nahoana ianao no mirehareha amin’ny zava-dratsy, ry ilay mahery ô?+ Mitohy isan’andro ny hatsaram-panahy feno fitiavana asehon’Andriamanitra.+   Ny hanisy ratsy no kendren’ny lelanao, izay maranitra toy ny hareza,+ Sady mamitaka.+   Ny ratsy no tianao noho ny tsara,+ Ary ny mandainga noho ny milaza ny marina.+ Sela.   Tianao daholo izay teny mitondra loza,+ Ry lela mpamitaka ô!+   Horinganin’Andriamanitra mandrakizay ianao.+ Handavo anao izy, ary hisintona anao avy ao an-tranolainao.+ Hanongotra anao hiala amin’ny tanin’ny velona tokoa izy.+ Sela.   Hahita izany ny olo-marina, ka hatahotra+ Sy hihomehy azy.+   Tsy manao an’Andriamanitra ho fiarovana mafy ho azy izany lehilahy tomady izany,+ Fa ny harem-beny no itokisany.+ Mitondra loza izy, ary izany no ataony fialokalofana.+   Fa izaho kosa ho toy ny oliva midoroboka+ ao an-tranon’Andriamanitra. Ny hatsaram-panahin’Andriamanitra no itokisako mandritra ny fotoana tsy voafetra, eny, mandrakizay.+   Hidera anao mandritra ny fotoana tsy voafetra aho, noho izay nataonao.+ Ary hanantena ny anaranao eo anatrehan’ireo tsy mivadika aminao aho, satria tsara izany.+

Fanamarihana ambany pejy