Salamo 51:1-19
Ho an’ny mpitarika. Hiran’i Davida. Tamin’i Natana mpaminany nankao aminy, taorian’ny nanaovan’i Davida firaisana tamin’i Batseba.+
51 Iantrao aho Andriamanitra ô, araka ny hatsaram-panahinao feno fitiavana.+Koseho ny fahadisoako, araka ny haben’ny famindram-ponao.+
2 Sasao tanteraka aho ho afaka amin’ny fahadisoako,+Ary diovy aho ho afaka amin’ny fahotako.+
3 Fantatro ny heloka vitako,+Ary eo anatrehako mandrakariva ny fahotako.+
4 Taminao dia taminao irery ihany no nanotako,+Ary izay ratsy teo imasonao no nataoko,+Mba ho hita fa marina ianao rehefa miteny,+Ary tsy misy tsiny ianao rehefa mitsara.+
5 Efa nanam-pahadisoana aho rehefa nateraky ny reniko tao anatin’ny fanaintainana.+Ary efa mpanota aho raha vao niforona tao an-kibon-dreniko.+
6 Mahafinaritra anao ny fahamarinana vokatry ny fo.+Fahendrena no ampahafantaro ahy ato am-poko.+
7 Hanadio ahy amin’ny hysopa* anie ianao, mba ho afaka ny fahotako ka hadio aho!+Hosasanao anie aho, mba ho fotsy mangatsakatsaka!*+
8 Enga anie ianao ka hanao izay hahitako fifaliana sy firavoravoana!+Mba ho faly ny taolako izay nopotipotehinao.+
9 Afeno tsy hahita ny fahotako ny tavanao,+Ary vonoy daholo ny fahadisoako rehetra.+
10 Amorony fo madio aho, Andriamanitra ô,+Ary omeo toe-tsaina vaovao tsy miovaova.+
11 Aza manary ahy tsy ho eo anatrehanao.+Ary aza esorina amiko ny fanahinao masina.+
12 Ampodio amiko indray ny fifaliana avy amin’ny famonjenao,+Ary ampio aho hanam-paniriana hankatò anao.+
13 Hampianariko ny lalanao ny mpandika lalàna,+Mba hiverina aminao ny mpanota.+
14 Afaho amin’ny trosan-dra aho,+ ry Andriamanitra ô, eny, ry Andriamanitra mpamonjy ahy,+Mba hiresahako amim-pifaliana ny fahamarinanao.+
15 Hanokatra an’ireto molotro ireto anie ianao, Jehovah ô,+Mba hideran’ny vavako anao!+
16 Tsy sorona no ankasitrahanao, fa raha izany dia ho efa nanao ihany aho.+Ary tsy fanatitra dorana no sitrakao.+
17 Ny alahelo mafy vokatry ny nenina no sorona sitrak’Andriamanitra.+Tsy hataonao tsinontsinona ny fo torotoro sy kivy, Andriamanitra ô!+
18 Aoka ianao hanao soa amin’i Ziona, araka izay sitrakao.+Hanorina ny mandan’i Jerosalema anie ianao!+
19 Amin’izay ianao dia ho finaritra amin’ny sorona atolotra amim-pahamarinana,+Sy ny fanatitra dorana ary ny fanatitra manontolo.+Amin’izay koa dia hisy ombilahy hatolotra eo amin’ny alitaranao.+
