Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

Baiboly ato Amin’ny Internet

NY SORATRA MASINA—FANDIKAN-TENIN’NY TONTOLO VAOVAO

Salamo 42:1-11

Ho an’ny mpitarika. Maskila ho an’ny taranak’i Kora.+ 42  Toy ny anirian’ny serfa hahita rano mikoriana, No aniriako fatratra anao, Andriamanitra ô!+   Mangetaheta mafy an’Andriamanitra aho,+ dia ilay Andriamanitra velona.+ Rahoviana aho no ho tonga, ka hiseho eo anatrehan’Andriamanitra?+   Ny ranomasoko no sakafoko andro aman’alina,+ Ary milaza amiko foana ny olona hoe: “Aiza ity Andriamanitrao?”+   Mahatsiaro ny lasa aho, ka miharìtra ny aiko ato anatiko.+ Fanaoko mantsy ny niara-dia tamin’ny maro, Sy ny nandeha moramora teo alohan’ny vahoaka nankany an-tranon’Andriamanitra.+ Nanakoako ny fihobiana sy ny fisaorana,+ Eny, ny feon’ny vahoaka nanao fety.+   Nahoana re aho no dia mamoy fo e?+ Ary nahoana aho no sahiran-tsaina?+ Hiandry an’Andriamanitra aho,+ Satria mbola hidera azy, fa izy no famonjena lehibe ho ahy.+   Mamoy fo aho, ry Andriamanitro ô,+ Ka mahatsiaro anao,+ Atỳ amin’ny tanin’i Jordana sy ny tampon’i Hermona,+ Atỳ amin’ny tendrombohitra kely.+   Ny rano lalina miantso ny rano lalina, Rehefa re ny feon’ny rano mifantsitsitra. Ny onjanao mahery rehetra+ Dia manafotra ahy.+   Amin’ny antoandro, dia hirahin’i Jehovah ho atỳ amiko ny hatsaram-panahiny feno fitiavana,+ Ary amin’ny alina, dia hihira momba azy aho.+ Hivavaka amin’ilay Andriamanitra nanome aina ahy aho.+   Hoy aho amin’Andriamanitra, izay harambatoko:+ “Nahoana ianao no manadino ahy?+ Nahoana aho no mandehandeha amin’alahelo noho ny fampahorian’ny fahavalo?”+ 10  Mandatsa ahy loatra ireo mankahala ahy, ka toy ny torotoro mihitsy ny taolako.+ Ary milaza amiko foana izy ireo hoe: “Aiza ity Andriamanitrao?”+ 11  Nahoana re aho no dia mamoy fo e?+ Ary nahoana aho no sahiran-tsaina?+ Hiandry an’Andriamanitra aho,+ Satria mbola hidera azy, fa izy no famonjena lehibe ho ahy sady Andriamanitro.+

Fanamarihana ambany pejy