Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

Baiboly ato Amin’ny Internet

NY SORATRA MASINA—FANDIKAN-TENIN’NY TONTOLO VAOVAO

Salamo 27:1-14

Nataon’i Davida. 27  I Jehovah no mpanazava+ sy mpamonjy ahy,+ Koa iza no hatahorako?+ I Jehovah no manda miaro ny aiko,+ Koa iza no haharaiki-tahotra ahy?+   Raha manatona hamely ahy mba hihinana ny nofoko ny mpanao ratsy,+ Izay fahavaloko sy mpandrafy ahy,+ Dia izy ireo ihany no ho tafintohina ka ho lavo.+   Na dia misy tafika manangana toby hamelezana ahy aza,+ Dia tsy mba hatahotra ny foko.+ Na dia misy miady amiko aza,+ Dia feno toky aho.+   Zavatra iray monja no angatahiko amin’i Jehovah,+ Eny, izay ihany no hotadiaviko,+ Dia ny honina ao an-tranon’i Jehovah mandritra ny androm-piainako.+ Amin’izay aho dia hahita ny hatsaran’i Jehovah+ Sy ho finaritra hijery ny tempoliny.+   Fa hanafina ahy ao amin’ny toeram-piafenany izy amin’ny andro mahory,+ Ary hampiery ahy ao amin’ny toerana miafina ao an-tranolainy.+ Eny amin’ny harambato avo be no hametrahany ahy.+   Hisandratra ho ambonin’ny fahavaloko rehetra manodidina ahy aho.+ Horakora-pifaliana no hatolotro ho sorona ao an-tranolain’Andriamanitra,+ Ary hihira sy hanandra-peo hidera an’i Jehovah aho.+   Jehovah ô, henoy aho rehefa manandratra ny feoko hiantso anao,+ Ary aoka ianao ho tsara fanahy amiko, ka hamaly ahy.+   Hoy aho tato am-poko: “Ianao efa nandidy anay hoe: ‘Mitadiava ahy*+ ianareo.’” Ianao tokoa no hotadiaviko, Jehovah ô!+   Aza manafina ny tavanao amiko.+ Aza roahina amin-katezerana ny mpanomponao.+ Aoka ianao hanampy ahy.+ Aza mahafoy na mandao ahy, ry Andriamanitra mpamonjy ahy ô!+ 10  Na mandao ahy aza ny raiko sy ny reniko,+ Dia handray ahy kosa i Jehovah.+ 11  Ampianaro ny lalanao aho, Jehovah ô,+ Ary tariho amin’ny lala-mahitsy aho mba tsy ho azon’ny fahavaloko. 12  Aza atolotra eo an-tanan’ny fahavaloko aho,+ Fa mitsangana hiampanga ahy ny vavolombelona mandainga,+ Sy izay mihetraketraka amiko.+ 13  Inona no ho niafarako raha tsy nino aho hoe hahita ny hatsaran-toetran’i Jehovah eo amin’ny tanin’ny velona?+ 14  Aoka ianao hanantena an’i Jehovah,+ manàna herim-po ary hatanjaho ny fonao,+ Eny, aoka ianao hanantena an’i Jehovah.+

Fanamarihana ambany pejy

A.b.t.: “ny tavako.”