Hijery ny anatiny

Ho any amin'ny fizarana anatiny

Ho any amin'ny loha hevitra

Vavolombelon’i Jehovah

Malagasy

Baiboly ato Amin’ny Internet | NY SORATRA MASINA—FANDIKAN-TENIN’NY TONTOLO VAOVAO

Salamo 148:1-14

148  Miderà an’i Jah!+ Miderà an’i Jehovah, ianareo any an-danitra.+ Miderà azy any amin’ny avo.+   Miderà azy, ianareo anjeliny rehetra.+ Miderà azy, ianareo rehetra ao amin’ny tafiny.+   Miderà azy, ry masoandro sy volana.+ Miderà azy, ry kintana mazava rehetra.+   Miderà azy, ry lanitry ny lanitra,+ Sy ianareo rano ambonin’ny lanitra.+   Aoka hidera ny anaran’i Jehovah+ ireo, Fa izy no nandidy, dia voaforona ireo.+   Ataony izay haharetan’izy ireo mandrakizay, eny, mandritra ny fotoana tsy voafetra.+ Efa namoaka fitsipika izy, ary tsy ho foana mihitsy ireny.+   Miderà an’i Jehovah, ianareo etỳ an-tany,+ Dia ianareo biby goavam-be any an-dranomasina sy ianareo rano lalina rehetra,+   Ianareo afo sy havandra, lanezy sy setroka matevina,+ Ianareo rivo-mahery izay manatanteraka ny teniny,+   Ianareo tendrombohitra sy ianareo havoana rehetra,+ Ianareo hazo fihinam-boa sy ianareo hazo sedera rehetra,+ 10  Ianareo bibidia sy ianareo biby fiompy rehetra,+ Ianareo biby mandady sy vorona manana elatra,+ 11  Ianareo mpanjakan’ny tany+ sy ianareo firenena rehetra, Ianareo andriana+ sy ianareo mpitsara rehetra eto an-tany,+ 12  Ianareo tovolahy+ sy ianareo tovovavy virjiny,+ Ianareo lehilahy zokiolona+ mbamin’ny ankizilahy.+ 13  Aoka samy hidera ny anaran’i Jehovah ireo,+ Fa ny anarany ihany no avo indrindra.+ Ambonin’ny tany sy ny lanitra ny voninahiny.+ 14  Hasandrany ny tandroky* ny olony+ Ary hasandrany koa ny fideran’izay rehetra tsy mivadika aminy,+ Dia ny zanak’Israely, izay firenena akaiky azy.+ Miderà an’i Jah!+

Fanamarihana

Jereo 1Sa 2:1 f.a.p.