Hijery ny anatiny

Ho any amin'ny fizarana anatiny

Ho any amin'ny loha hevitra

Vavolombelon’i Jehovah

Malagasy

Baiboly ato Amin’ny Internet | NY SORATRA MASINA—FANDIKAN-TENIN’NY TONTOLO VAOVAO

Salamo 143:1-12

Hiran’i Davida. 143  Jehovah ô, henoy ny vavaka ataoko.+ Aoka ianao hanongilan-tsofina rehefa mitalaho aho.+ Valio aho fa mendri-pitokisana sy manao ny rariny ianao.+   Aza mifandahatra amin’ny mpanomponao eo amin’ny fitsarana,+ Satria tsy misy olombelona ho marina eo anatrehanao.+   Fa nifofo ny aiko+ ny fahavalo. Namotika ny fiainako izy, ka nanosihosy ahy tamin’ny tany.+ Ary nataony nonina tao amin’ny haizina aho, toy ny maty efa hatry ny ela.+   Rera-tsaina+ aho, Ary ngoly ny foko ato anatiko.+   Mahatsiaro ny andro fahiny aho.+ Misaintsaina ny zava-drehetra nataonao aho,+ Ary ny asan’ny tananao foana no tiako hoeritreretina.+   Mamelatra ny tanako ho aminao+ aho. Toy ny tany karakaina aho, ka mangetaheta anao.+ Sela.   Valio haingana aho, Jehovah ô!+ Efa ho tapitra ny aiko.+ Aza manafina ny tavanao amiko,+ Sao ho toy ireo midina any an-davaka aho.+   Amin’ny maraina, dia ataovy izay handrenesako ny hatsaram-panahinao feno fitiavana,+ Fa ianao no itokisako.+ Ampahafantaro ahy ny lalana tokony halehako,+ Fa foiko ho anao ny tenako.+   Afaho tsy ho azon’ny fahavaloko aho, Jehovah ô!+ Ianao no fialofako.+ 10  Ampianaro hanao ny sitraponao aho,+ Fa ianao no Andriamanitro.+ Tsara ny fanahinao,+ Ka enga anie izy io hitarika ahy, ao amin’ny tanin’ny fahitsiana!+ 11  Noho ny anaranao,+ Jehovah ô, dia tsimbino ny aiko!+ Ary noho ny fahamarinanao,+ dia hanafaka ahy amin’ny fahoriako anie ianao!+ 12  Ataovy mangina ny fahavaloko,+ noho ny hatsaram-panahinao feno fitiavana. Aringano izay rehetra te hanisy ratsy ahy,+ Fa mpanomponao aho.+

Fanamarihana ambany pejy