Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

Baiboly ato Amin’ny Internet

NY SORATRA MASINA—FANDIKAN-TENIN’NY TONTOLO VAOVAO

Salamo 135:1-21

135  Miderà an’i Jah!+ Derao ny anaran’i Jehovah.+ Manaova fiderana, ry mpanompon’i Jehovah,+   Izay mijoro ao an-tranon’i Jehovah+ Sy ao an-tokotanin’ny tranon’Andriamanitsika.+   Miderà an’i Jah, fa tsara i Jehovah.+ Manaova hira fiderana ho an’ny anarany, fa mahafinaritra izany.+   Fa nofidin’i Jah ho azy i Jakoba,+ Ary nofidiny ho fananany manokana i Israely.+   Fantatro tsara fa lehibe i Jehovah,+ Ary ambony noho ny andriamanitra rehetra ny Tompontsika.+   Izay rehetra mahafinaritra an’i Jehovah, dia ataony+ Na any an-danitra, na etỳ an-tany, na any an-dranomasina, na any amin’ny rano lalina rehetra.+   Mampiakatra etona avy any amin’ny faran’ny tany izy,+ Sady manao vavahadin-drano ho an’ny orana,+ Ary mamoaka ny rivotra avy ao amin’ny trano fitehirizany azy.+   Izy no namono ny lahimatoan’i Ejipta,+ Na olona na biby.+   Nandefa famantarana sy nanao fahagagana teo anivonao izy, ry Ejipta ô,+ Dia tamin’i Farao sy ny mpanompony rehetra.+ 10  Namely firenena maro izy,+ Ary nandripaka mpanjaka mahery,+ 11  Dia i Sihona mpanjakan’ny Amorita+ Sy Oga mpanjakan’i Basana+ Ary ny fanjakana rehetra tao Kanana.+ 12  Nomeny ho lova ny tanin’ireo,+ Eny, ho lovan’ny Israely olony.+ 13  Maharitra mandrakizay ny anaranao, Jehovah ô!+ Maharitra hatramin’ny taranaka fara mandimby ny fahatsiarovana anao, Jehovah ô!+ 14  Hiady ho an’ny olony eo amin’ny fitsarana i Jehovah,+ Ary hanenina izy ka hamindra fo amin’ny mpanompony.+ 15  Volafotsy sy volamena ny sampin’ireo firenena+ Sady asa tanan’olombelona.+ 16  Manam-bava ireny sampy ireny, fa tsy miteny.+ Mana-maso, fa tsy mahita.+ 17  Manan-tsofina, fa tsy mandre,+ Ary tsy misy fofonaina eo am-bavany.+ 18  Ho sahala amin’ireny ny olona manao azy+ Sy izay rehetra matoky azy.+ 19  Miderà an’i Jehovah, ry taranak’Israely ô!+ Miderà an’i Jehovah, ry taranak’i Arona ô!+ 20  Miderà an’i Jehovah, ry taranak’i Levy ô!+ Ianareo izay matahotra an’i Jehovah, miderà an’i Jehovah.+ 21  Hoderaina avy ao Ziona anie i Jehovah+ Izay monina ao Jerosalema!+ Miderà an’i Jah!+

Fanamarihana ambany pejy