Hijery ny anatiny

Ho any amin'ny fizarana anatiny

Ho any amin'ny loha hevitra

Vavolombelon’i Jehovah

Malagasy

Baiboly ato Amin’ny Internet | NY SORATRA MASINA—FANDIKAN-TENIN’NY TONTOLO VAOVAO

Salamo 12:1-8

Ho an’ny mpitarika. Atao oktavy ambany.+ Hiran’i Davida. 12  Vonjeo aho,+ Jehovah ô, fa ripaka tanteraka ny olona tsy mivadika.+ Tsy misy olona mendri-pitokisana intsony eo amin’ny zanak’olombelona.   Mifandainga foana izy ireo,+ Ary manao teny fandokafana+ nefa mihatsaravelatsihy.*+   Holevonin’i Jehovah ny molotra manao teny fandokafana Sy ny lela mieboebo,+   Dia ireo manao hoe: “Handresy izahay noho ny teninay.+ Afaka milaza izay tianay izahay. Iza moa no ho tomponay?”   “Norobaina ny ory ary misento ny mahantra+ Koa hitsangana aho ankehitriny”, hoy i Jehovah.+ “Hataoko any amin’ny toerana azo antoka izy ireo, mba tsy ho azon’izay manamavo azy.”+   Madio ny tenin’i Jehovah,+ Toy ny volafotsy voadio eo amin’ny fatana fandrendrehana anaty tany, eny, voadio impito.   Ianao no hiambina azy ireo Jehovah ô!+ Ianao no hiaro azy tsirairay tsy ho azon’ity taranaka ity, mandritra ny fotoana tsy voafetra.   Mivezivezy etsy sy eroa ny ratsy fanahy, Satria asandratra eo amin’ny zanak’olombelona ny fahambanian-toetra.+

Fanamarihana ambany pejy

Na: “manana fo roa.”