Salamo 119:1-176
א [Alefa]
119 Sambatra izay mandeha tsy misy tsiny,+Dia izay mandeha amin’ny lalàn’i Jehovah.+
2 Sambatra izay manaraka ny fampahatsiahivany.+Amin’ny fo manontolo no itadiavan’ireny Azy.+
3 Tsy mba zatra manao ny tsy marina mihitsy ireny,+Fa mandeha amin’ny lalan’Andriamanitra.+
4 Ianao no efa nandidy+Mba hanarahana tsara ny didinao.+
5 Enga anie handeha amin’ny lala-mahitsy foana aho+Mba hitandremako ny fitsipikao!+
6 Amin’izay dia tsy ho menatra aho+Rehefa mandinika ny didinao+ rehetra.
7 Hidera anao amin-kitsim-po aho,+Rehefa fantatro fa ara-drariny ny didim-pitsaranao.+
8 Tandremako foana ny fitsipikao.+Aza dia afoy tanteraka re aho e!+
ב [Beta]
9 Ahoana no hahatonga ny tanora+ hadio fitondran-tena foana?Amin’ny fitandremana ny teninao.+
10 Amin’ny foko manontolo no itadiavako anao.+Aza avela hivily hiala amin’ny didinao aho.+
11 Ato am-poko no itehirizako ny teninao+Mba tsy hanotako aminao.+
12 Isaorana ianao, Jehovah ô!Ampianaro ahy ny fitsipikao.+
13 Ny molotro no anambarako+Ny didim-pitsarana rehetra naloaky ny vavanao.+
14 Ny manaraka ny fampahatsiahivanao no mahafaly ahy,+Toy ny ifaliako amin’ny zava-tsarobidy hafa rehetra.+
15 Ny didinao no hosaintsainiko.+Handinika ny lalanao+ aho.
16 Ny lalànao no ho mamin’ny foko.+Tsy hohadinoiko ny teninao.+
ג [Gimela]
17 Ataovy amin’ny mpanomponao izay hitanao fa mety, mba ho velona+Sy hitandrina ny teninao aho.+
18 Sokafy ny masoko mba hahitako+Ny zava-mahagaga ao amin’ny lalànao.+
19 Vahiny monina eto amin’ity faritra ity aho.+Aza afenina ahy ny didinao.+
20 Rera-po aho noho izaho te handre foana+Ny didim-pitsaranao.+
21 Noteneninao mafy ireo olom-boaozona sahisahy ratsy,+Izay mihataka amin’ny didinao.+
22 Esory amiko ny fahafaham-baraka sy ny fanamavoana,+Fa manaraka ny fampahatsiahivanao aho.+
23 Na ny andriana aza naka toerana ka niara-nidinika mba hanohitra ahy.+Fa izaho mpanomponao kosa misaintsaina ny fitsipikao.+
24 Mamin’ny foko ny fampahatsiahivanao.+Toy ny olona manoro hevitra ahy ireny.+
ד [Daleta]
25 Toy ny efa miraikitra amin’ny vovoka aho.+Tsimbino ny aiko, araka ny efa nolazainao.+
26 Efa nambarako taminao izay rehetra nataoko, ka mba valio aho.+Ampianaro ahy ny fitsipikao.+
27 Ataovy azoko tsara izay takin’ny didinao,+Mba hisaintsainako ny asanao mahatalanjona.+
28 Tsy nahita tory aho noho ny alahelo.+Aoka ianao hampitraka ahy, araka ny efa nolazainao.+
29 Ampanalaviro ahy ny lalan-diso,+Ary aoka ianao hankasitraka ahy ka hampahafantatra ahy ny lalànao.+
30 Ny lalan’ny tsy fivadihana no nofidiko.+Hitako hoe mety tsara ny didim-pitsaranao.+
31 Mifikitra amin’ny fampahatsiahivanao+ aho.Aza avela hitsanga-menatra aho, Jehovah ô!+
32 Ny lalan’ny didinao+ no hihazakazahako,Satria halalahinao ny foko.+
ה [He]
33 Ampianaro ahy ny lalan’ny fitsipikao, Jehovah ô,+Mba hitandremako azy hatramin’ny farany.+
34 Ataovy azoko tsara izany, mba hanarahako ny lalànao+Sy hitandremako azy amin’ny foko manontolo.+
35 Ampandehano eo amin’ny lalan’ny didinao aho,+Fa mahafinaritra ahy izany.+
36 Zaro ho tia ny fampahatsiahivanao+ ny foko,Fa tsy ho tia tombony.+
37 Aza avela hifantoka amin-javatra tsy misy ilana azy ny masoko.+Ampandehano amin’ny lalanao aho mba ho voatsimbina ny aiko.+
38 Tanteraho amin’ny mpanomponao ny teninao,+Izay mahatonga ahy hatahotra anao.+
39 Esory amiko ny fahafaham-barakako izay atahorako.+Fa ara-drariny ny didim-pitsaranao.+
40 Maniry mafy hankatò ny didinao aho.+Tsimbino ny aiko noho ny fahamarinanao.+
ו [Vao]
41 Jehovah ô, anehoy hatsaram-panahy feno fitiavana aho+Ka vonjeo, araka ny efa nolazainao,+
42 Mba hamaliako an’ilay manala baraka ahy,+Fa ny teninao no atokisako.+
43 Aza esorina tanteraka eo am-bavako ny tenin’ny fahamarinana,+Fa miandry ny didim-pitsaranao aho.+
44 Hotandremako foana ny lalànao,+Mandritra ny fotoana tsy voafetra, eny, mandrakizay.+
45 Ary hiriaria eny amin’ny toerana malalaka aho,+Fa ny didinao no karohiko.+
46 Hilaza ny fampahatsiahivanao eo anatrehan’ny mpanjaka koa aho,+Ary tsy ho menatra.+
47 Ho mamin’ny foko ny didinao,+Izay efa tiako rahateo.+
48 Ary hanandra-tanana hivavaka aho, satria tiako ny didinao.+Hosaintsainiko ny fitsipikao.+
ז [Zaina]
49 Tsarovy ny teninao tamin’ny mpanomponao.+Koa miandry aho, satria efa nampanantena ianao.+
50 Izany no mampionona ahy rehefa ory aho,+Fa voatsimbina ny aiko+ noho ny teninao.
51 Manaraby ahy tafahoatra ny olona sahisahy ratsy,+Kanefa tsy miala amin’ny lalànao aho.+
52 Mahatsiaro ny didim-pitsaranao fahiny aho, Jehovah ô,+Ka mahazo fampiononana.+
53 Romotry ny hatezerana aho noho ny ratsy fanahy,+Izay mandika ny lalànao.+
54 Amiko ny fitsipikao dia toy ny hira fiderana,+Ao amin’ny trano ivahiniako.+
55 Mahatsiaro ny anaranao aho rehefa alina, Jehovah ô,+Mba hitandremako ny lalànao.+
56 Izany mihitsy no tsapako,Satria ny didinao no tandremako.+
ח [Heta]
57 I Jehovah no anjarako.+Efa nampanantena aho fa hitandrina ny teninao.+
58 Amin’ny foko manontolo no itadiavako sitraka* aminao.+Aoka ianao ho tsara fanahy amiko, araka ny efa nolazainao.+
59 Dinihiko tsara ny lalako,+Mba hamerenako ny tongotro ho amin’ny fampahatsiahivanao.+
60 Mailaka erỳ aho nitandrina ny didinao+Fa tsy nangataka andro.+
61 Nihodidina tamiko ny tadin’ny ratsy fanahy.+Tsy nohadinoiko anefa ny lalànao.+
62 Mifoha aho amin’ny misasakalina mba hisaotra anao,+Fa ara-drariny ny didim-pitsaranao.+
63 Naman’izay rehetra matahotra anao aho,+Ary naman’izay mitandrina ny didinao.+
64 Mameno ny tany ny hatsaram-panahinao feno fitiavana, Jehovah ô!+Ampianaro ahy ny fitsipikao.+
ט [Teta]
65 Manao soa amin’ny mpanomponao tokoa ianao,+Jehovah ô, araka ny efa nolazainao.+
66 Hatsaran-toetra+ sy fahendrena+ ary fahalalana+ no ampianaro ahy,Fa ny didinao no inoako.+
67 Nanota tsy nahy+ aho talohan’ny nahitako fahoriana,Fa efa mitandrina ny teninao kosa aho izao.+
68 Tsara ianao sady manao ny tsara.+Ampianaro ahy ny fitsipikao.+
69 Manoso-potaka ahy ny olona sahisahy ratsy.+Fa izaho kosa hitandrina ny didinao+ amin’ny foko manontolo.
70 Manjary donto toy ny tavy ny fon’ireny.+Fa izaho kosa tia ny lalànao.+
71 Soa ihany aho nampahorina,+Mba hianarako ny fitsipikao.+
72 Mahasoa ahy ny lalàna+ aloaky ny vavanao,+Eny, mahasoa ahy noho ny volamena sy volafotsy an’arivony.+
י [Yôda]
73 Ny tananao mihitsy no nanao sy namolavola ahy.+Ataovy azoko tsara izany, mba hianarako ny didinao.+
74 Ireo matahotra anao no mahita ahy ka faly,+Satria miandry ny teninao aho.+
75 Fantatro tsara, Jehovah ô, fa ara-drariny ny didim-pitsaranao,+Ary noho ianao tsy mivadika, dia faizinao aho.+
76 Hampionona ahy anie ny hatsaram-panahinao feno fitiavana,+Araka ny efa nolazainao tamin’ny mpanomponao!+
77 Amindrao fo aho mba ho velona foana,+Fa ny lalànao no mamin’ny foko.+
78 Aoka ho menatra ireo sahisahy ratsy, satria mamitaka ahy tsy amin’antony.+Fa izaho kosa misaintsaina ny didinao.+
79 Aoka hiverina eto amiko ireo matahotra anao,+Sy ireo mahafantatra ny fampahatsiahivanao.+
80 Tsy hisy tsiny anie ny fitandreman’ny foko ny fitsipikao,+Mba tsy hitsanga-menatra aho!+
כ [Kafa]
81 Reraka aho miandrandra ny famonjenao.+Ny teninao no andrasako.+
82 Reraka ny masoko miandrandra ny teninao,+Ka hoy aho: “Mba rahoviana ihany ianao no hampionona ahy?”+
83 Fa nanjary toy ny siny hoditra+ azon’ny setroka aho.Tsy manadino ny fitsipikao anefa aho.+
84 Haharitra angaha moa ny androm-piainan’ny mpanomponao?+Rahoviana ihany ianao no hampihatra didim-pitsarana amin’ireo manenjika ahy?+
85 Nihady lavaka hamandrihana ahy ny olona sahisahy ratsy,+Izay tsy manaraka ny lalànao.+
86 Azo itokisana ny didinao rehetra.+Vonjeo aho fa enjehina tsy amin’antony!+
87 Raha nisy kely foana dia efa nofoanan’izy ireo tsy ho eto an-tany aho.+Tsy niala tamin’ny didinao anefa aho.+
88 Tsimbino ny aiko noho ny hatsaram-panahinao feno fitiavana,+Mba hanarahako ny fampahatsiahivana aloaky ny vavanao.+
ל [Lameda]
89 Mandritra ny fotoana tsy voafetra, Jehovah ô,+No mitoetra any an-danitra ny teninao.+
90 Maharitra hatramin’ny taranaka fara mandimby ny tsy fivadihanao.+Nataonao mafy orina ny tany mba ho eo foana.+
91 Araka ny didim-pitsaranao, dia mbola eo mandraka androany ireo,+Satria mpanomponao izy rehetra.+
92 Raha tsy ny lalànao no mamin’ny foko,+Dia efa maty tao anatin’ny fahoriako aho hoatr’izay.+
93 Tsy hohadinoiko mihitsy ny didinao,+Satria ireny no itsimbinanao ny aiko.+
94 Anao aho, ka vonjeo+Fa ny didinao no karohiko.+
95 Miandry kendry tohina fotsiny ny ratsy fanahy mba hamonoana ahy.+Henoiko tsara foana anefa ny fampahatsiahivanao.+
96 Hitako fa manam-petra ihany izay rehetra tonga lafatra,+Fa ny didinao kosa mahakasika zavatra maro be.
מ [Mema]
97 Tiako erỳ ny lalànao,+Ka saintsainiko foana!+
98 Ny didinao no mahatonga ahy ho hendry noho ny fahavaloko,+Satria ahy mandritra ny fotoana tsy voafetra ireny.+
99 Lasa lalin-tsaina mihoatra noho ny mpampianatra ahy rehetra aho,+Satria ny fampahatsiahivanao no saintsainiko.+
100 Mahira-tsaina kokoa noho ny zokiolona aho,+Satria mitandrina ny didinao.+
101 Tsy avelako ho any amin’ny lalan-dratsy ny tongotro,+Mba hitandremako ny teninao.+
102 Tsy mivaona amin’ny didim-pitsaranao aho,+Fa ianao no mampianatra ahy.+
103 Mamy amin’ny lelako ny teninao,Mihoatra noho ny tantely ao am-bavako!+
104 Ny didinao no mahatonga ahy hahira-tsaina,+Ka lasa halako ny lalan-diso rehetra.+
נ [Nona]
105 Jiro ho an’ny tongotro ny teninao,+Sady fahazavana ho an’ny lalako.+
106 Nianiana aho fa hanaja ny didim-pitsaranao+ ara-drariny,Ka hotanterahiko izany.+
107 Ampahorina mafy aho.+Jehovah ô, tsimbino ny aiko araka ny efa nolazainao.+
108 Jehovah ô, mba ankasitraho re ny fanatitra an-tsitrapo avy amin’ny vavako e!+Ary ampianaro ahy ny didim-pitsaranao.+
109 Tandindomin-doza* foana ny aiko.+Tsy manadino ny lalànao anefa aho.+
110 Mamela-pandrika hahazoana ahy ny ratsy fanahy.+Tsy mivaona amin’ny didinao anefa aho.+
111 Raisiko ho fananako mandritra ny fotoana tsy voafetra ny fampahatsiahivanao,+Fa ireny no fifalian’ny foko.+
112 Zariko hankatò ny fitsipikao ny foko+Mandritra ny fotoana tsy voafetra, eny, hatramin’ny farany.+
ס [Sameka]
113 Halako ny olona miroaroa saina,*+Fa ny lalànao no tiako.+
114 Fiafenako sy ampingako ianao.+Ny teninao no andrasako.+
115 Mialà amiko ianareo mpanao ratsy,+Mba hitandremako ny didin’Andriamanitro.+
116 Ampio aho, araka ny efa nolazainao, mba ho velona foana.+Ary aza avela ho menatra noho ny fanantenako aho.+
117 Tohano aho mba ho voavonjy,+Dia hodinihiko foana ny fitsipikao.+
118 Ailikao daholo izay mihataka amin’ny fitsipikao,+Satria lainga no entiny mamitaka.+
119 Nesorinao toy ny tain-drendrika ny ratsy fanahy rehetra eto an-tany.+Koa tiako ny fampahatsiahivanao.+
120 Mihoron-koditra aho noho ny fahatahorana anao.+Ary matahotra aho noho ny didim-pitsaranao.+
ע [Aina]
121 Mampihatra didim-pitsarana ara-drariny aho ary manao ny marina.+Aza afoy eo an-tanan’ireo mpanambaka ahy aho.+
122 Aoka ianao ho antoka ho an’ny mpanomponao, ny amin’izay hahasoa azy.+Enga anie tsy hanambaka ahy ny olona sahisahy ratsy!+
123 Reraka ny masoko miandrandra ny famonjenao+Sy ny teninao marina.+
124 Ento amin-katsaram-panahy ny mpanomponao.+Ary ampianaro ahy ny fitsipikao.+
125 Mpanomponao aho,+ ka ataovy azoko+Sy fantatro tsara ny fampahatsiahivanao.+
126 Izao no fotoana anaovan’i Jehovah zavatra,+Fa mandika ny lalànao izy ireo.+
127 Izany no itiavako ny didinao+Mihoatra noho ny volamena, eny, noho ny volamena voadio aza.+
128 Koa hitako fa marina daholo ny didinao.+Halako ny lalan-diso rehetra.+
פ [Pe]
129 Mampiaiky volana ny fampahatsiahivanao.+Izany no antony anarahako azy ireny.+
130 Ny fampiharihariana ny hevitry ny teninao dia manome fahazavana,+Ka lasa manam-pahalalana ireo mbola tsy dia nandia fiainana.+
131 Sokafako mitanatana ny vavako mba hahafahako hisefosefo,Satria maniry mafy handre ny didinao aho.+
132 Tsinjovy aho ary iantrao,+Araka ny didim-pitsaranao ho an’ireo tia ny anaranao.+
133 Ataovy mamahatra tsara amin’ny teninao+ ny tongotro.Ary enga anie tsy hisy zava-dratsy hanandevo ahy!+
134 Avoty aho tsy ho azon’olona mpanambaka,+Dia hotandremako ny didinao.+
135 Ampamirapirato amin’ny mpanomponao ny tavanao,+Ary ampianaro ahy ny fitsipikao.+
136 Mikoriana toy ny renirano ny ranomasoko,+Noho ireo olona tsy mitandrina ny lalànao.+
צ [Tsade]
137 Tia rariny ianao, Jehovah ô!+Araka ny hitsiny ny didim-pitsaranao.+
138 Mandidy anay hanaraka ny fampahatsiahivanao+ ianao,Satria tia rariny sady tsy mivadika mihitsy.+
139 Ny hafanam-poko no hahafaty ahy,+Satria nohadinoin’ny fahavaloko ny teninao.+
140 Madio tsara toy ny metaly voadio ny teninao,+Ka tian’ny mpanomponao.+
141 Tsinontsinona sy fanamavo aho,+Nefa ny didinao tsy mba hadinoko.+
142 Fahamarinana mandritra ny fotoana tsy voafetra ny fahamarinanao.+Ary marina ny lalànao.+
143 Azom-pahoriana sy nandia zava-tsarotra aho,+Nefa mamin’ny foko ny didinao.+
144 Marina mandritra ny fotoana tsy voafetra ny fampahatsiahivanao.+Ataovy azoko tsara izany, mba ho velona foana aho.+
ק [Kôfa]
145 Miantso anao amin’ny foko manontolo aho+ ka valio, Jehovah ô!+Ny fitsipikao no hotandremako.+
146 Miantso anao aho ka vonjeo,+Dia hanaraka ny fampahatsiahivanao aho.+
147 Vao mangiran-dratsy+ dia efa mifoha aho mba hiantso vonjy aminao.+Ny teninao no andrasako.+
148 Mbola tsy mifarana ny fiambenana amin’ny alina+ dia efa mihiratra ny masoko,Mba hisaintsainako ny teninao.+
149 Henoy ny feoko, noho ny hatsaram-panahinao feno fitiavana.+Jehovah ô, tsimbino ny aiko, araka ny didim-pitsaranao.+
150 Efa manakaiky ireo fatra-panaraka fitondran-tena baranahiny.+Mivaona tanteraka amin’ny lalànao izy ireo.+
151 Akaiky ianao, Jehovah ô!+Ary marina daholo ny didinao.+
152 Efa hatry ny ela no nahafantarako ny sasany amin’ny fampahatsiahivanao.+Nataonao mba haharitra mandritra ny fotoana tsy voafetra ireny.+
ר [Resa]
153 Jereo ny fahoriako, ka vonjeo aho.+Fa tsy mba manadino ny lalànao aho.+
154 Raiso an-tanana ny adiko eo amin’ny fitsarana, ka avoty aho.+Tsimbino ny aiko, araka ny efa nolazainao.+
155 Lavitra ny ratsy fanahy ny famonjena,+Satria tsy mikaroka ny fitsipikao+ izy ireo.
156 Lehibe ny famindram-ponao, Jehovah ô!+Tsimbino ny aiko, araka ny didim-pitsaranao.+
157 Maro ny mpanenjika ahy ary maro koa ny fahavaloko,+Kanefa tsy miala amin’ny fampahatsiahivanao aho.+
158 Mahita ny mpamitaka aho,+Dia rikoriko, satria tsy mitandrina an’izay voalazanao ireny.+
159 Jereo fa tiako ny didinao.+Jehovah ô, tsimbino ny aiko noho ny hatsaram-panahinao feno fitiavana.+
160 Fahamarinana no votoatin’ny teninao,+Ary maharitra mandrakizay daholo ny didim-pitsaranao ara-drariny.+
ש [Sina] na [Shina]
161 Manenjika ahy tsy amin’antony ny andriana.+Ny teninao anefa no atahoran’ny foko.+
162 Mahafaly ahy izay voalazanao.+Eny, faly toy ny mahazo babo be dia be aho.+
163 Halako+ sady maharikoriko ahy foana ny lainga,+Fa ny lalànao no tiako.+
164 Impito isan’andro no iderako anao,+Satria ara-drariny ny didim-pitsaranao.+
165 Ho be ny fiadanan’ireo tia ny lalànao,+Ka tsy misy mahatafintohina azy.+
166 Ny famonjenao no antenaiko, Jehovah ô!+Ary ankatoaviko ny didinao.+
167 Arahiko ny fampahatsiahivanao,+Ary tiako loatra ireny.+
168 Arahiko ny didinao sy ny fampahatsiahivanao,+Fa eo anatrehanao ny lalako rehetra.+
ת [Tao]
169 Ho tonga eo anatrehanao anie ny fitalahoako, Jehovah ô!+Ataovy mahira-tsaina aho, araka ny teninao.+
170 Ho tonga eo aminao anie ny fitalahoako famindram-po!+Afaho aho, araka ny efa nolazainao.+
171 Hiboiboika fiderana anie ny molotro,+Satria ampianarinao ahy ny fitsipikao!+
172 Hihira ny teninao anie ny lelako,+Satria marina daholo ny didinao!+
173 Hanampy ahy anie ny tananao,+Satria ny didinao no nofidiko!+
174 Maniry mafy ny famonjenao aho, Jehovah ô!+Ary mamin’ny foko ny lalànao.+
175 Ho velona foana anie aho mba hidera anao!+Ary hanampy ahy anie ny didim-pitsaranao!+
176 Mirenireny toy ny ondry very aho.+ Mba tadiavo ny mpanomponao,+Fa tsy mba manadino ny didinao aho.+
Fanamarihana
^ A.b.t.: “analefahako ny tavanao.”
^ A.b.t.: “Eo am-pelatanako.”
^ A.b.t.: “manana fo voazarazara.”
