Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

Baiboly ato Amin’ny Internet

NY SORATRA MASINA—FANDIKAN-TENIN’NY TONTOLO VAOVAO

Salamo 108:1-13

Hira fiderana nataon’i Davida. 108  Tsy miovaova ny foko, Andriamanitra ô!+ Hihira sy hanandra-peo hidera anao aho,+ Ary hanao toy izany koa ny voninahitro.+   Mifohaza, ry lokanga ô! Ianao koa, ry harpa ô!+ Hofohaziko ny maraina mangiran-dratsy.+   Hidera anao eo amin’ireo firenena aho, Jehovah ô,+ Ary hihira fiderana ho anao eo amin’ny firenena samy hafa.+   Fa lehibe ny hatsaram-panahinao feno fitiavana ka mipaka hatreny amin’ny lanitra,+ Ary ny fahamarinanao hatreny amin’ny rahona.+   Misandrata any ambonin’ny lanitra, Andriamanitra ô!+ Aoka ho ambonin’ny tany manontolo ny voninahitrao.+   Mba hanavotana an’ireo tianao,+ Dia vonjeo amin’ny tananao ankavanana aho ka valio.+   Andriamanitra mihitsy no efa niteny, noho ny fahamasinany,+ hoe: “Hifaly aho, ary homeko ho anjaran’ny+ oloko i Sekema.+ Horefesiko koa ny lemaka ivan’i Sokota.+   Ahy i Gileada,+ ary ahy koa i Manase,+ Ary i Efraima kosa fiarovana mafy ho an’ilay lehibe notendreko.+ I Joda no ataoko tehim-pahefana.+   I Moaba+ no koveta isasako.+ I Edoma+ no hanipazako ny kapako.+ Ary hanao horakora-pandresena ho fanakorana an’i Filistia+ aho.”+ 10  Iza no hitondra ahy any amin’ilay tanàna voaro mafy?+ Iza no hitarika ahy hatrany Edoma?+ 11  Tsy ianao ve no efa nanary anay, Andriamanitra ô,+ Sady tsy niaraka tamin’ny tafikay, na dia Andriamanitray aza?+ 12  Ampio izahay mba ho afaka amin’ny fahorianay,+ Fa zava-poana ny famonjena avy amin’ny olombelona.+ 13  Andriamanitra no hahazoanay hery,+ Ary izy mihitsy no hanosihosy ny fahavalonay.+

Fanamarihana ambany pejy