Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

Baiboly ato Amin’ny Internet

NY SORATRA MASINA—FANDIKAN-TENIN’NY TONTOLO VAOVAO

Joba 9:1-35

9  Dia namaly i Joba hoe:   “Fantatro tsara fa izany no izy. Fa ahoana no hahamarina ny olombelona mety maty, raha miady amin’Andriamanitra eo amin’ny fitsarana izy?+   Raha te hiady amin’ny olona Andriamanitra,+ Dia tsy hahavaly azy ny olona, na indray mandeha ao anatin’ny arivo aza.   Manana fo hendry mantsy izy, ary tena mahery.+ Koa iza no hikiry hanohitra azy ka ho afa-maina?+   Mamindra tendrombohitra izy+ ka tsy fantatry ny olona ireny. Izy no nanjera an’ireny tao anatin’ny fahatezerany.+   Mampihorohoro ny tany hiala amin’ny toerany izy, Ka mihozongozona ny andrin’ny tany.+   Teneniny ny masoandro mba tsy hiposaka, Ary asiany tombo-kase manodidina ny kintana.+   Mamelatra ny lanitra samirery izy,+ Ary mandeha eny amin’ny onjan-dranomasina avo be.+   Izy no manao ny antokon-kintana Asha, sy ny antokon-kintana Kesila, Sy ny antokon-kintana+ Kimaha, ary ny efitrano anatiny any Atsimo,* 10  Sady manao zavatra lehibe tsy takatry ny saina,+ Ary zava-mahagaga tsy hita isa.+ 11  Mandalo ahy izy nefa tsy hitako, Ary mandroso ihany nefa tsy fantatro.+ 12  Maka an-keriny izy, ka iza no hahatohitra azy? Iza no hiteny aminy hoe: ‘Inona ity ataonao?’+ 13  Tsy hampihemotra ny fahatezerany Andriamanitra.+ Handadilady eo anatrehany ny mpanampy ny mpanafika.+ 14  Koa tsy loza ve no hanjo ahy, raha izaho no mamaly azy? Hofidiko tsara ny teny holazaiko aminy.+ 15  Tsy hamaly azy aho, na dia marina aza ny ahy.+ Hitalaho famindram-po amin’ilay miady amiko eo amin’ny fitsarana aho.+ 16  Hamaly ve izy, raha miantso azy aho?+ Tsy mino aho hoe hihaino ahy izy. 17  Mamely ahy amin’ny tafiotra izy, Ary mampitombo ny feriko tsy amin’antony.+ 18  Tsy mamela ahy haka aina kely akory izy,+ Fa mamoky ahy tsy an-kijanona amin’ny zava-mangidy. 19  Raha misy tena mahery, dia mbola eo Andriamanitra.+ Ary raha misy mpitsara mahery, dia enga anie mba hantsoina aho! 20  Na marina aza ny ahy, dia hilaza ahy ho meloka ihany ny vavako. Na tsy manan-tsiny aza aho, dia hilaza ahy ho tsy marina ihany Izy. 21  Ary na tsy manan-tsiny aza aho, dia tsy ho fantatro akory, Ary haharikoriko ahy ny aiko. 22  Zavatra iray ihany no izy, ka izao no teniko: ‘Samy haringany ihany na ny tsy manan-tsiny na ny ratsy fanahy.’+ 23  Raha misy ranotrambo mahafaty tampoka, Dia hihomehezany ny famoizam-pon’ny tsy manan-tsiny. 24  Natolotra eo am-pelatanan’ilay ratsy ny tany.+ Manampina ny mason’ny mpitsaran’ny tany Izy. Raha tsy izy no manao izany, dia mba iza kosa? 25  Mandeha haingana kokoa noho ny mpihazakazaka ny androko,+ Ary lasa nandositra, ka tsy hahita zava-tsoa. 26  Misosa malaky tahaka ny lakan-jozoro izany, Tahaka ny voromahery misidintsidina haingana mitady sakafo.+ 27  Raha niteny aho hoe: ‘Aoka hohadinoiko ny zavatra mampanahy ahy,+ Ary tsy hanjonitra intsony ny tarehiko fa hataoko miramirana,’+ 28  Dia azon-tahotra indray aho noho ny fanaintainako rehetra.+ Fantatro tsara fa tsy hilaza ahy ho tsy manan-tsiny ianao. 29  Tsy maintsy holazaina ihany hoe meloka aho, Koa nahoana aho no handrera-tena fotsiny?+ 30  Na misasa amin’ny rano madio be aza aho, Ary manasa ny tanako amin’ny savony,+ 31  Dia hataonao ao anaty lavaka ihany, Ka hankahala ahy na ny akanjoko aza. 32  Fa tsy olombelona+ tahaka ahy Izy ka ahoana moa no hamaliako azy, Na hifandaharako aminy eo amin’ny fitsarana? 33  Tsy misy olona afaka hitsara anay,+ Ka hametraka ny tanany aminay. 34  Aoka hesoriny amiko ny tsorakazony,+ Ary tsy hampihorohoro ahy ny fampitahorana avy aminy. 35  Aoka aho hiteny ka tsy hatahotra azy, Fa tsy mba matahotra ny hiresaka aminy aho.

Fanamarihana ambany pejy

Mety hanondro ny antokon-kintana tazana avy atỳ amin’ny Ila Bolantany Atsimo ny hoe “efitra anatiny any Atsimo.”