Joba 34:1-37
34 Ary nanohy ny teniny i Eliho, nanao hoe:
2 “Mihainoa ny teniko, ry olon-kendry,Eny, mihainoa ahy, ry manam-pahalalana.
3 Fa ny sofina no mamantatra teny,+Toy ny lanilany mamantatra tsiron-kanina rehefa misakafo.+
4 Fitsarana ara-drariny no aoka hofidintsika,
Ary aoka isika hiara-mamantatra izay tsara.
5 Fa hoy i Joba: ‘Marina ny ahy,+Nefa tsy nomen’Andriamanitra rariny aho.+
6 Izaho ve dia handainga momba ny fitsarana ahy?Tsy mety sitrana ny feriko na dia tsy manan-keloka aza aho.’+
7 Iza no lehilahy tomady tahaka an’i Joba,+Izay misotro fanesoana toy ny fisotro rano?+
8 Tsy ho ela izy dia ho lasa naman’ny mpisompatra,Sy hiara-dia amin’ny ratsy fanahy.+
9 Fa hoy izy: ‘Tsy ahazoan’ny lehilahy tomady tombony,+Ny miravoravo amin’Andriamanitra.’
10 Koa mihainoa ahy, ianareo manam-pahalalana:+Sanatria an’ilay tena Andriamanitra ny hanao ratsy,+Ary sanatria an’ilay Mahery Indrindra ny hanao ny tsy rariny!+
11 Fa araka izay ataon’ny olombelona no hamaliany+ azy,Ary araka izay alehany ihany no hampanodiaviny azy.
12 Eny tokoa, tsy mba manao ratsy Andriamanitra,+Ary tsy mba mamadika ny rariny ilay Mahery Indrindra.+
13 Iza no nanome fahefana azy hiandraikitra ny tany?Ary iza no nanendry azy hiadidy ny tany lonaka, eny, izy manontolo?
14 Raha mifantoka amin’olona izy,Ary alainy ho any aminy ny ainy* sy ny fofonainy,+
15 Dia hiala aina ny nofo rehetra,Ary hiverina amin’ny vovoka ny olombelona.+
16 Koa raha mahira-tsaina ianao, dia henoy izao,Eny, henoy ny teniko:
17 Olona mankahala ny rariny ve no ho mpitondra?+Ary raha manao ny marina ny olona manana fahefana, dia homelohinao ve izy?+
18 Hisy sahy hiteny amin’ny mpanjaka ve hoe: ‘Olona tsy manjary ianao’,Ary amin’ny olona ambony hoe: ‘Olon-dratsy ianao’?+
19 Eo anefa Ilay tsy miangatra amin’ny andriana,Sady tsy mba manaja ny olona ambony mihoatra noho ny olona ambany,+Satria samy asan’ny tanany ireny.+
20 Maty ao anatin’ny indray mipy maso ireny+ amin’ny misasakalina.+Tora-kovitra ny olona, ary maty,
Ary lasa ny mahery nefa tsy nokasihin-tanana.+
21 Mijery ny ataon’ny olona Izy,+Ary mahita ny diany rehetra.
22 Tsy misy haizina na haizim-pitoAzon’ny mpisompatra iafenana.+
23 Fa Andriamanitra tsy manondro fotoanaHankanesan’ny olona eo anatrehany mba hotsaraina.
24 Torotoroiny tsy misy famotorana ny mahery,+Ka olon-kafa no atsangany ho solon’ireny.+
25 Koa hita amin’izany fa fantany ny ataon’ireny,+Ary azerany amin’ny alina ireny, ka torotoro.+
26 Asiany tehamaina toy ny famely olon-dratsy irenyEny imasom-bahoaka,+
27 Satria tsy nanaraka azy intsony ireny,+Sady tsy niraharaha ny lalany rehetra.+
28 Koa tonga hatrany aminy ny fitarainan’ny olona ambany,Ary reny ny fitarainan’ny ory.+
29 Raha mampisy filaminana izy, iza no hanameloka azy?Ary raha manafina ny tavany izy,+ iza no hahita azy?Mitovy ihany ny vokany na firenena manontolo+ no anaovany izany na olon-tokana.
30 Amin’izay dia tsy hanjaka ny mpivadi-pinoana,+Ary tsy hisy zavatra hamandrika+ ny olona.
31 Hisy hilaza toy izao amin’Andriamanitra ve:‘Niaritra ny mafy aho, nefa tsy nanao ratsy.+
32 Koa ampianaro ahy izay tsy hitako.Ary raha nisy ratsy nataoko,Dia tsy hanao intsony aho’?+
33 Hamaly soa anao noho izay niaretanao ve izy, araka izay heverinao fa mety, satria fotsiny hoe mandà ny didim-pitsarany ianao,Ary ianao no mifidy izany, fa tsy izaho?Lazao àry izay fantatrao.
34 Hiteny amiko ny manam-pahalalana,+Dia ny lehilahy tomady sy hendry izay mihaino ahy, ka hanao hoe:
35 ‘Miresaka momba ny zavatra tsy fantany i Joba,+Ary hita amin’ny teniny fa tsy misaina tsara izy.’
36 Ry raiko ô, aoka hozahan-toetra hatramin’ny farany i Joba,Noho ny amin’ny valin-teniny teo amin’ny ratsy fanahy.+
37 Ary mbola ampiany fikomiana koa ny fahotany.+Mitehaka eto amintsika izy sady manao teny maro anoherana an’ilay tena Andriamanitra.”+
Fanamarihana
^ Heb.: roah. Jereo F.F. 3B.
