Joba 27:1-23
27 Ary nanohy ny teniny i Joba ka nanao izao oha-teny+ izao:
2 “Raha mbola velona koa Andriamanitra,+ izay tsy nety nanome rariny ahy,+Eny, raha mbola velona koa ilay Mahery Indrindra, izay nampangidy ny fiainako,+
3 Raha mbola manam-pofonaina koa aho,Ka mbola misy aina* avy amin’Andriamanitra eo am-bavoroko,+
4 Dia tsy hiteny zavatra tsy marina ny molotro,Ary tsy hilaza fitaka ny lelako!
5 Sanatria ahy ny hilaza hoe marina ianareo!+Tsy hanaiky hivadika mihitsy aho, mandra-pahatapitry ny aiko.+
6 Hazoniko mafy ny fahamarinako, ka tsy havotsotro.+Tsy hanome tsiny ahy na oviana na oviana ny foko.+
7 Enga anie ny fahavaloko ho lasa ratsy fanahy tanteraka,+Ary ilay mikomy amiko ho lasa mpanao ratsy!
8 Fa inona moa ny fanantenan’ny mpivadi-pinoana raha aringan’Andriamanitra izy,+Ka esorin’Andriamanitra ny ainy?+
9 Hihaino ny fitarainany ve Andriamanitra,Raha azom-pahoriana izy?+
10 Ho finaritra tanteraka amin’ilay Mahery Indrindra ve izy?Hiantso an’Andriamanitra mandrakariva ve izy?
11 Ny zavatra nataon’Andriamanitra no hoentiko mampianatra anareo,Ary tsy hafeniko ny hevitr’ilay Mahery Indrindra.+
12 Efa nahazo fahitana daholo ianareo.Nahoana anefa ianareo izao no toy ny olona tsy misy ilana azy?+
13 Izao no anjara atokan’Andriamanitra ho an’ny ratsy fanahy,+Ary ny lovan’ny olon-dozabe dia ho azony avy amin’ilay Mahery Indrindra:
14 Ho fatin-tsabatra ny zanany, na dia mihamaro aza,+Ary tsy ho ampy sakafo ny taranany.
15 Rehefa misy areti-mandringana, dia halevina izay sisa miangana amin’ny taranany,Nefa ny mpitondratenany dia tsy hitomany.+
16 Na manangona volafotsy maro be toy ny vovoka aza izy,Sy mampiavosa akanjo toy ny tanimanga,
17 Dia aoka izy hanangona, fa ny olo-marina no hitafy izany,+Ary ny tsy manan-tsiny no hanana anjara amin’ny volafotsy.
18 Ny tranon’ny ratsy fanahy dia nataony toy ny tranon’ny koroka,Sy toy ny trano rantsankazo+ namboarin’ny mpiandry voly.
19 Manankarena izy rehefa hatory, nefa avy eo tsy hisy vokatra hiakatra.Hanokatra ny masony izy, nefa tsy hisy na inona na inona intsony.+
20 Hahatratra azy tahaka ny riaka ny horohoro tampoka.+Hopaohin’ny tafio-drivotra izy amin’ny alina.
21 Tsy ho eo intsony izy, fa hoentin’ny rivotra avy any atsinanana,+Ka hahodinkodiny hiala amin’ny toerany.+
22 Hamely azy izany ary tsy hiantra azy,+Ka ho voatery handositra ny herin’izany izy.+
23 Hitehaka haneso azy ny olona,+Sady hisioka+ azy, avy eo amin’ny toerana nisy azy.
Fanamarihana
^ Heb.: roah. Jereo F.F. 3B.
