Hijery ny anatiny

Ho any amin'ny fizarana anatiny

Ho any amin'ny loha hevitra

Vavolombelon’i Jehovah

Malagasy

Baiboly ato Amin’ny Internet | NY SORATRA MASINA—FANDIKAN-TENIN’NY TONTOLO VAOVAO

Joba 24:1-25

24  “Nahoana no tsy nanendry fotoam-pitsarana ilay Mahery Indrindra?+ Ary nahoana no tsy nahatsikaritra izany andro izany ny olona mahafantatra Azy?+   Ao ireo mampihemotra ny fetra mamaritra ny tanin’olona.+ Naka an-keriny andiam-biby izy, mba handrasany.   Roahiny ny ampondran’ny ankizilahy kamboty ray, Ary alainy ho antoka ny ombin’ny vehivavy mpitondratena.+   Aviliny hiala amin’ny lalana ny mahantra,+ Ary mandritra izany fotoana izany dia miafina ny ory eto an-tany.   Toy ny zebra+ any an-tany efitra, Dia lasa nanao ny asany ireo mahantra, nitady sakafo. Ny tany lemaka karakaina no ahazoan’ny tsirairay aminy sakafo ho an-janany.   Maka vilona eny an-tsaha izy ireo, Ary robainy haingana ny tanimboaloboky ny ratsy fanahy.   Mitanjaka izy ireo matory amin’ny alina fa tsy miakanjo,+ Ary tsy manan-damba irakofana amin’ny hatsiaka.+   Kotsan’ny oram-baratra eny an-tendrombohitra izy, Ary mitampify eo amin’ny vatolampy fa tsy manan-kialofana.+   Alain’ny ratsy fanahy eny an-tratran-dreniny ny kamboty ray,+ Ary alainy ho antoka izay eny an-koditry ny ory.+ 10  Mandehandeha mitanjaka ireo ory fa tsy miakanjo, Ary noana nefa tsy maintsy mitondra ny salohim-bary voajinja.+ 11  Eny anelanelan’ny voly mikitohatohatra no misy azy amin’ny mitataovovonana. Manitsakitsaka voaloboka ao anaty lavaka famiazana izy ireo, nefa mangetaheta.+ 12  Re hatrany ivelan’ny tanàna ny fitronan’ny olona miala aina, Ary miantso vonjy ny olona maratra mafy efa ho faty.+ Tsy ahoan’Andriamanitra akory anefa izany.+ 13  Ny ratsy fanahy kosa dia anisan’ireo nikomy tamin’ny hazavana.+ Tsy nahafantatra ny lalan’ny hazavana izy ireo, Ary tsy naharitra tamin’izany. 14  Rehefa mazava ny andro, dia mifoha ny mpamono olona, Ka mamono ny ory sy ny mahantra.+ Ary lasa mpangalatra izy amin’ny alina.+ 15  Ny mason’ny mpanitsakitsa-bady+ kosa dia miandry takariva maizimaizina,+ Ary milaza izy hoe: ‘Tsy hisy hahita ahy!’+ Saronany koa ny tarehiny. 16  Mamaky trano ny mpangalatra rehefa maizina ny andro, Ary mihidy ao an-trano izy amin’ny antoandro. Tsy mba fantany ny mazava.+ 17  Amin’ny ratsy fanahy, dia toy ny haizim-pito+ ihany ny maraina. Efa mahazatra azy mantsy ny horohoro tampoka ateraky ny haizim-pito. 18  Indaosin’ny rano izy, Ary ho voaozona ny sombin-taniny eto an-tany.+ Tsy hiverina any amin’ny tanimboalobony intsony izy. 19  Toy ny andevonan’ny hain-tany sy ny hafanana ny rano avy amin’ny lanezy, No andevonan’ny Fasana* ny mpanota.+ 20  Hanadino azy ny kibo nitoerany, ary ho faly hitsentsitra azy ny olitra.+ Tsy hotsarovana intsony izy.+ Ho tapaka tahaka ny hazo ny tsy fahamarinana.+ 21  Ampahoriny ny vehivavy momba izay tsy miteraka. Ary tsy mba manao soa amin’ny vehivavy mpitondratena+ izy. 22  Hindaosin’Andriamanitra amin-kery ny olona matanjaka. Hitsangana ny mpanota nefa tsy ho azony antoka akory raha ho velona ny tenany. 23  Avelan’Andriamanitra ny ratsy fanahy hatoky+ hoe mahavita tena izy, Nefa harahiny maso foana izay hataon’ireny.+ 24  Nisandratra vetivety ny ratsy fanahy, dia tsy hita intsony.+ Naetry izy ireo,+ ary otazana toy ny olon-drehetra, Sady tangosana toy ny salohim-bary. 25  Koa iza àry no hilaza ahy ho mpandainga, Na hanao tsinontsinona ny teniko?”

Fanamarihana ambany pejy

Heb.: sheôl. Jereo F.F. 3D.