Joba 23:1-17
23 Dia namaly i Joba hoe:
2 “Na ankehitriny aza dia fikomiana izao tebitebiko izao.+Mavesatra ny tanako noho ny fisentoako.
3 Raha mba fantatro mantsy izay mety hahitako Azy,+Dia hankany amin’ny toerana misy azy aho!+
4 Hoentiko eo anatrehany ny adiko,Ary hataoko eo am-bavako avokoa izay teny havaliko.
5 Ho azoko ny hevitry ny teny avaliny ahy,Ary hoeritreretiko izay lazainy amiko.+
6 Hiady amiko ve izy ka hampiasa ny heriny lehibe?Tsia, fa hihaino ahy tokoa izy.+
7 Amin’izay dia hifandahatra aminy ny olo-marina,Ary ho afaka madiodio mandrakizay aho, eo anatrehan’ny mpitsara ahy.
8 Miantsinanana aho, nefa tsy any izy,Ary miverina indray aho, nefa tsy mahita azy.+
9 Mandeha miankavia any amin’izay iasany aho, nefa tsy mahita azy.Mivily miankavanana izy, nefa tsy hitako.
10 Fantany tsara izay alehako.+Aorian’ny fisedrany ahy, dia ho toy ny volamena voadio aho.+
11 Manaraka ny diany ny tongotro,Ary mizotra amin’ny lalany aho, ka tsy mivily miala amin’izany.+
12 Tsy miala amin’ny didy nambarany aho.+Mihoatra noho izay takina amiko ny fankamamiako ny teny aloaky ny vavany.+
13 Tokana ihany ny ao an-tsainy, ka iza no mahatohitra azy?+Na inona na inona faniriany dia hotanterahiny.+
14 Hotanterahiny hatramin’ny farany ny didiny momba ahy,+Ary be dia be ny zavatra toy izany ataony.
15 Izany no mahatonga ahy hikorontan-tsaina noho ny aminy.Misaintsaina an’izany aho, dia matahotra azy.+
16 Nanao izay hahakivy ny foko Andriamanitra,+Ary nampikorontan-tsaina ahy ilay Mahery Indrindra.+
17 Tsy nahatonga ahy hangina ny haizina,Na ny haizim-pito izay mandrakotra ny tavako.
