Hijery ny anatiny

Ho any amin'ny fizarana anatiny

Ho any amin'ny loha hevitra

Vavolombelon’i Jehovah

Malagasy

Baiboly ato Amin’ny Internet | NY SORATRA MASINA—FANDIKAN-TENIN’NY TONTOLO VAOVAO

Joba 10:1-22

10  “Tena maharikoriko ahy ny aiko!+ Hamoaka ny fitarainako aho, Ary hiteny ao anatin’ny fahoriam-poko.   Hiteny amin’Andriamanitra aho hoe: ‘Aza milaza ahy ho meloka. Ampahafantaro ahy ny antony iadianao amiko.   Mahafinaritra anao ve ny manao ratsy,+ Sy ny manary izay nisasaran’ny tananao,+ Ary ny mankasitraka ny hevitry ny ratsy fanahy?   Mason’olombelona angaha ny masonao,+ Sa tahaka ny an’ny olombelona mety maty ny fomba fijerinao?+   Tahaka ny andron’ny olombelona mety maty angaha ny andronao,+ Sa tahaka ny taonan’ny lehilahy tomady ny taonanao,   No dia tadiavinao izay fahadisoako, Ary karohinao ny fahotako,+   Na dia fantatrao aza fa tsy diso aho,+ Sady tsy misy mahavonjy ahy eo an-tananao?+   Ny tananao no namolavola ahy ka nanao ahy,+ Eny, nanao ny tenako manontolo, nefa holevoninao aho izao.   Tsarovy ange fa tanimanga+ no nanaovanao ahy e, Ary haverinao ho vovoka indray aho.+ 10  Tsy nararakao toy ny ronono ve aho, Ary nataonao mandry toy ny fromazy?+ 11  Nampitafy ahy hoditra sy nofo ianao, Ary nandrary ahy tamin’ny taolana sy hozatra.+ 12  Nomenao aina aho, ary nanehoanao hatsaram-panahy feno fitiavana.+ Ny fiahianao+ no niaro ny aiko. 13  Izao zavatra izao anefa no nafeninao tao am-ponao, Ary fantatro tsara fa izany no ao an-tsainao. 14  Raha nanota aho ka narahinao maso foana,+ Ary tsy navelanao ny fahadisoako,+ 15  Eny, raha diso tokoa aho, dia lozako!+ Ary na marina aza ny ahy, dia tsy ho sahy hitraka aho,+ Satria tototry ny fahafaham-baraka sady vontom-pahoriana.+ 16  Ary raha miandranandrana ny lohako,+ dia hihaza ahy ianao, toy ny ataon’ny liona tanora,+ Ary hanao zava-mahagaga hamelezana ahy indray. 17  Hanangana vavolombelona hafa hiampanga ahy ianao, Sady vao mainka ho tezitra amiko. Fahoriana misesisesy no manjo ahy. 18  Koa nahoana aho no navoakanao avy tany am-bohoka?+ Raha tsy izany dia mba efa maty aho, ka tsy nisy maso nahita ahy, 19  Ary efa toy ny tsy nisy aho, Ka avy tany am-bohoka dia namantana tany am-pasana.’ 20  Moa ve tsy efa vitsy ny androko?+ Aoka Izy handeha, Eny, aoka Izy tsy hibanjina ahy, mba ho miramirana+ kely aho 21  Alohan’ny handehanako tsy hiverina intsony,+ Ho any amin’ny tany anjakan’ny haizina sy ny haizim-pito,+ 22  Eny, any amin’ny tany anjakan’ny haizina mikitroka sy ny haizim-pito Ary ny korontana. Tsy misy hazavana mamiratra mihitsy any.”

Fanamarihana ambany pejy