Tsia. Tsy mandinika filma na boky na hira izahay, mba hahitana hoe iza avy no tsy azon’ny mpivavaka ao aminay jerena. Nahoana?

Samy manana “fahaiza-misaina” ny tsirairay ka izy ihany no tokony hanavaka izay tsara sy ratsy, araka ny Baiboly.—Hebreo 5:14.

Misy toro lalana ao amin’ny Baiboly manampy ny Kristianina hifidy an’izay fialam-boly mety. * Miezaka ‘mamantatra tsara foana izay ankasitrahan’ny Tompo’ izahay, na inona na inona ataonay.—Efesianina 5:10.

Milaza ny Baiboly fa azon’ny loham-pianakaviana atao ny mandrara an’izay ao an-tranony, mba tsy hanao fialam-boly sasany. (1 Korintianina 11:3; Efesianina 6:1-4) Ao anatin’ny fianakaviana ihany anefa izany no mihatra, fa ankoatra izay dia tsy misy na iza na iza afaka miteny amin’ny mpiara-mivavaka aminy hoe tsy azonao jerena ity filma na hira na boky ity.—Galatianina 6:5.

^ feh. 4 Raran’ny Baiboly, ohatra, ny herisetra, ny resaka herin’ny maizina, ary ny fijangajangana.—Deoteronomia 18:10-13; Efesianina 5:3; Kolosianina 3:8.