Hijery ny anatiny

Vavolombelon’i Jehovah

Hifidy fiteny Malagasy

20 APRILY 2017
ROSIA

Tsy Nanome Rariny An’ireo Vavolombelon’i Jehovah ny Fitsarana Tampony any Rosia

Tsy Nanome Rariny An’ireo Vavolombelon’i Jehovah ny Fitsarana Tampony any Rosia

NEW YORK—Tapitra izay ny andro fahenina nihainoana ny raharaha momba ny Vavolombelon’i Jehovah. Naharitra tapa-bolana ilay fitsarana. Nivoaka androany ny didim-pitsaran’ny Fitsarana Tampon’ny Federasionan’i Rosia. Nekeny ny fangatahan’ny Minisiteran’ny Fitsarana hoe hofoanana ny Foiben’ny Vavolombelon’i Jehovah any Rosia sy ireo fikambanana ara-pivavahana (LRO) miisa 395 ampiasain’izy ireo any. Mihatra avy hatrany io didy io.

Hoy i Yaroslav Sivulskiy, mpitondra tenin’ny Vavolombelon’i Jehovah any Rosia: “Diso fanantenana tanteraka izahay sady manahy be hoe inona no mety ho vokatr’izany eo amin’ny asa ara-pivavahana ataonay. Hangataka famerenam-pitsarana ny Vavolombelon’i Jehovah. Manantena izahay fa tsy ho ela dia hohajaina indray ny zonay, ary harovana izahay satria tsy mampidi-doza izany ny fivavahanay!”

Manana 30 andro ny Vavolombelon’i Jehovah any Rosia hangatahana famerenam-pitsarana. Hisy mpitsara telo handinika an’ilay raharaha indray.

Nomerao azon’ny mpanao gazety antsoina:

Iraisam-pirenena: David Semonian, Biraon’ny Filazam-baovao, +1-845-524-3000

Rosia: Yaroslav Sivulskiy, +7-911-087-8009