Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Hijery ny anatiny

Vavolombelon’i Jehovah

Malagasy

28 OKTOBRA 2014
MEKSIKA

Nanampy ny Tra-boina Tamin’ny Rivo-doza Odile ny Vavolombelon’i Jehovah any Meksika

Nanampy ny Tra-boina Tamin’ny Rivo-doza Odile ny Vavolombelon’i Jehovah any Meksika

Namely ny morontsirak’i Baja California Sur ny Rivo-doza Odile, tamin’ny alatsinainy 15 Septambra 2014. Io no rivo-doza mahery indrindra tany, taorian’ny 1967. Nanome sakafo sy rano ary fanafody ho an’ny mpiara-mivavaka aminy tra-boina ny Vavolombelon’i Jehovah teny amin’ny manodidina, taorian’ilay rivo-doza. Tsy nisy Vavolombelona maty na naratra. Rava tanteraka na simba be anefa ny tranon’ny Vavolombelona sasany. Trano 82 no rava tanteraka, ary 85 no simba be, ka fianakaviana 125 no nafindra toerana tany amin’ny Vavolombelona hafa. Efa nandefa taratasy tany amin’ny fiangonana rehetra any ny komitin’ny vonjy rano vaky eo anivon’ny Vavolombelon’i Jehovah, efatra andro talohan’ilay rivo-doza. Nohazavaina tao hoe ahoana no hiomanana amin’ilay loza. Nafindra tany an-tranon’ny Vavolombelona hafa koa izay Vavolombelona nipetraka tamin’ny trano natahorana ho simba, ka ny anti-panahy Vavolombelona no nandamina izany. Nandefa fanampiana 20 taonina mahery tany amin’ilay faritra niharan-doza ny biraon’ny sampan’ny Vavolombelon’i Jehovah any Meksika.

Nomerao azon’ny mpanao gazety antsoina:

Maneran-tany: J. R. Brown, Biraon’ny Filazam-baovao, tel. +1 718 560 5000

Meksika: Gamaliel Camarillo, tel. +52 555 133 3048