Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Hijery ny anatiny

Vavolombelon’i Jehovah

Malagasy

Inona no Hataoko fa Tsy Tia Ahy ny Mpampianatra Anay?

Inona no Hataoko fa Tsy Tia Ahy ny Mpampianatra Anay?

Mandiniha aloha!

Diniho ity ohatra ity. Tsara be foana ny naotin’i Rachel taloha. Rehefa nifindra kilasy anefa izy, dia nomen’ny mpampianatra azy naoty ratsy be foana. Hoy i Rachel: “Fanahy iniany mihitsy ilay izy.” Nasehon’ilay mpampianatra tamin’i Rachel sy ny mamany fa tsy tiany ny fivavahan’izy ireo.

Manampy hiampitana rano ny vato. Toy izany koa fa manampy anao hahay ny mpampianatra. Tsy maintsy miezaka miampita anefa ianao, izany hoe miezaka mianatra

Inona no nitranga avy eo? Hoy i Rachel: “Nandeha niresaka taminy izahay sy mamanay isaky ny hitanay hoe tokony hahazo naoty tsara aho, nefa mbola nomeny naoty ratsy be ihany. Tsy sahy intsony izy tamin’ny farany.

Izany koa ve no mahazo anao? Miresaha amin’ny ray aman-dreninao. Azo antoka fa te hiresaka amin’ilay mpampianatra izy ireo, ary mety ho te hiresaka amin’ny tompon’andraikitra hafa koa mba hahitana vahaolana.

Tadidio fa tsy voatery hivaha foana ny olana. Tsy maintsy miaritra ianao indraindray. (Romanina 12:17, 18) Hoy i Tanya: “Efa sendra mpampianatra ratsy toetra be aho. Tia manambanimbany ankizy izy. Nolazainy hoe vendrana izahay. Efa voany aho dia nitomany be, fa avy eo aho niezaka tsy hivaky loha. Ny fianarako no nataoko tsara. Tsy dia naninona ahy intsony izy, sady mba nomeny naoty tsara aho, nefa betsaka ny ankizy nahazo naoty ratsy. Voaroaka izy, roa taona tatỳ aoriana.

Fehiny: Mahaiza mamantatra an’izay tokony hatao rehefa sendra mpampianatra sarotiny. Hahasoa anao foana izany, satria mety ho sendra mpampiasa masiaka ianao any aoriana any. (1 Petera 2:18) Hahay hankasitraka an’ireo mpampianatra tsara fanahy koa ianao amin’izay.

 

Fanampim-panazavana

Inona no Hataoko Rehefa Misy Zavatra Mahasorena any Am-pianarana?

Maro ny zavatra mahasorena any am-pianarana. Misy zavatra dimy mety hanampy anao ato.