Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Hijery ny anatiny

Vavolombelon’i Jehovah

Malagasy

Afaka Mifehy ny Olombelona ve ny Devoly?

Afaka Mifehy ny Olombelona ve ny Devoly?

Valiny ara-baiboly

Tena mifehy ny olombelona ny Devoly sy ny demonia. Izany no mahatonga ny Baiboly hilaza hoe: ‘Eo ambany fahefan’ilay ratsy izao tontolo izao manontolo.’ (1 Jaona 5:19) Ireto ny fomba sasany ifehezan’ny Devoly ny olombelona:

  • Mamitaka. Milaza ny Baiboly fa tokony ‘hanohitra ny teti-dratsin’ny Devoly’ ny Kristianina. (Efesianina 6:11) Maro ny teti-dratsin’ny Devoly. Ataony, ohatra, izay hinoan’ny olona fa mpanompon’Andriamanitra ireo olona ampiasainy.—2 Korintianina 11:13-15.

  • Asan’ny maizina. Mamitaka ny olona ny Devoly amin’ny alalan’ny mpanandro sy mpisikidy ary mpanontany amin’ny maty. (Deoteronomia 18:10-12) Lasa mora fehezin’ny Devoly ny olona rehefa mampiasa zava-mahadomelina, na manao hipnotisma, na manaraka fomba fisaintsainana manafoana ny saina.—Lioka 11:24-26.

  • Fivavahan-diso. Mamitaka ny olona ny fivavahana mampianatra zavatra diso, ka mitarika azy ireo tsy hankatò an’Andriamanitra. (1 Korintianina 10:20) Antsoin’ny Baiboly hoe “fampianaran’ny demonia” ireny fampianaran-diso ireny.—1 Timoty 4:1.

  • Miditra ao amin’ny olona. Resahin’ny Baiboly fa misy fanahy ratsy miditra ao amin’ny olona ary mifehy azy. Lasa jamba na moana ilay olona indraindray, na lasa mandratra tena.—Matio 12:22; Marka 5:2-5.

Inona no atao raha tsy te hofehezin’ny Devoly?

Tsy voatery hatahotra hofehezin’ny Devoly foana isika, satria lazain’ny Baiboly fa afaka manohitra azy isika. Ireto avy no tokony hatao:

  • Fantaro ny teti-dratsin’ny Devoly.—2 Korintianina 2:11.

  • Mianara Baiboly ary ampiharo izay nianaranao. Raha mampihatra ny toro lalan’ny Baiboly ianao, dia ho voaro ka tsy ho voafehin’ny Devoly.—Efesianina 6:11-18.

  • Poteho na dory ny zavatra rehetra misy ifandraisany amin’ny demonia. (Asan’ny Apostoly 19:19) Anisan’izany ny hira, boky, gazetiboky, sary, na video mampirisika ny olona hifandray amin’ny fanahy ratsy.

Fanampim-panazavana

Ny Anjely Tsara sy ny Anjely Ratsy

Miresaka momba ny anjely sy ny demonia ny Baiboly. Tena misy ve ny anjely? Manan-kery eo amin’ny fiainanao ve izy ireo?