Hijery ny anatiny

Ho any amin'ny fizarana anatiny

Vavolombelon’i Jehovah

Malagasy

Ny Anaran’iza no Misoratra ao Amin’ny “Bokin’ny Fiainana”?

Ny Anaran’iza no Misoratra ao Amin’ny “Bokin’ny Fiainana”?

Valiny ara-baiboly

“Ny bokin’ny fiainana”, izay antsoina koa hoe “horonam-bokin’ny fiainana” na “boky fahatsiarovana”, no mirakitra ny anaran’ny olona afaka mahazo fiainana mandrakizay. (Apokalypsy 3:5; 20:12; Malakia 3:16) Soratan’Andriamanitra ao ny anaran’ny olona mankatò azy sy tsy mivadika aminy.—Jaona 3:16; 1 Jaona 5:3.

Tadidin’Andriamanitra daholo ireo olona tsy mivadika aminy, ka toy ny hoe soratany ao amin’ny boky iray ny anaran’izy ireo. Efa hatramin’ny “nanorenana izao tontolo izao” no nanaovany an’izany. (Apokalypsy 17:8) Ny anaran’ilay lehilahy nanam-pinoana atao hoe Abela, angamba, no voasoratra ao voalohany. (Hebreo 11:4) Tsy lisitra be fotsiny anefa izy io. Hita amin’io bokin’ny fiainana io kosa hoe Andriamanitra be fitiavana i Jehovah, ary ‘fantany’ ny olona manompo azy.—2 Timoty 2:19; 1 Jaona 4:8.

Azo fafana ao amin’ilay “bokin’ny fiainana” ve ireo anarana?

Eny. Izao no nolazain’Andriamanitra, tamin’ireo Israelita tsy nankatò fahiny: “Ny anaran’izay nanota tamiko ihany no hovonoiko ao amin’ny bokiko.” (Eksodosy 32:33) Hijanona ao amin’ny “horonam-bokin’ny fiainana” foana anefa ny anarantsika raha tsy mivadika isika.—Apokalypsy 20:12.

 

Fanampim-panazavana

NY TILIKAMBO FIAMBENANA

Fa Maninona àry Aho no Nisy?

Olona maro no mihevitra fa ny hahazo vola sy laza no tena zava-dehibe eo amin’ny fiainana. Misy zavatra lehibe lavitra noho izany anefa.

MIFOHAZA!

“Ho Tonga Anie ny Fanjakanao”—Faminanian’ny Baiboly

Inona ilay Fanjakana angatahintsika amin’ny vavaka, ary inona no soa horaisinao rehefa tonga izy io?